ఈ విషయం రెండు తెలుగు రాష్ట్రాలలో హాట్ టాపిక్ అయింది. చంద్రబాబు నాయుడు లాంటి గొప్ప మహానాయకుడు ఉండి కూడా ఈ విధంగా జరగడం ఏమిటని పలువురు ప్రశ్నిస్తున్నారు. పార్టీని పెట్టడం ఎవ్వరైనా పెడతారు, దానిని సమర్థవంతంగా నడిపించడంలోనే మీ ప్రతిభా పాఠవాలు చూపించాలి అని విమర్శలు చేస్తున్నారు. ఏపీ రాజకీయాల్లో చురుగా ఉన్న నారా లోకేష్ సైతం తెలంగాణలో టీడీపీని గాలి కొదిలేశారు. ఎల్ రమణ అంత సమర్ధవంతమైన నాయకుడు కనపప్పటికీ కూడా, ఆ సమయంలో ప్రత్యామ్నాయంగా ఎవ్వరూ లేకపోవడంతో బీసీ నేత అయిన రమణ వైపే మొగ్గు చూపారు.
ఏపీలో ప్రస్తుతం టీడీపీకి గడ్డు కాలం నడుస్తుండగా, తెలంగాణలోనూ ఇదే పరిస్థితి ఎదురవనుంది. ఈ విషయం గురించి చంద్రబాబు ఏ విధమైన నిర్ణయం తీసుకుంటాడో ? అలాగే తదుపరి రమణ స్థానంలో ఎవరినైనా నియమిస్తారా లేదా అంది తెలియాల్సి ఉంది. ఎటువంటి అధ్యక్షుడు రానున్నాడు, నూతన అధ్యక్షుడయినా తెలంగాణాలో టీడీపీని ప్రజల్లోకి తీసుకెళ్లి, పార్టీకి పూర్వవైభవం తెస్తాడా అన్నది వేచి చూడాలి. పూర్తిగా కూలిపోతున్న టీడీపీకి ఎవరు ప్రాణం పోస్తారో చూడాలి.
