దీంతో నేటి రోజుల్లో పచ్చదనం అనేదే కరువైపోతుంది అని చెప్పడంలో అతిశయోక్తి లేదు. ఇక వాతావరణంలో వస్తున్న మార్పుల కారణంగా ఎన్నో అనర్థాలు కూడా జరిగిపోతున్నాయి. ఇప్పటికే ఎన్నో ప్రకృతి విపత్తులు అటు ఎన్నోసార్లు దేశాన్ని హడలెత్తించాయ్. ఇక వాతావరణంలో మార్పుల కారణంగా అటు మంచు పర్వతాలు కూడా రోజు రోజుకూ పెరిగి పోతూనే ఉన్నాయి అన్న విషయం తెలిసిందే. అయితే వాతావరణంలో ఏర్పడిన మార్పుల కారణంగా ఇలాంటి అనర్ధాలు జరుగుతున్నాయి.. మంచు పర్వతాలు ఎలా కరిగిపోతున్నాయి అన్న దానిపై అవగాహన కల్పించేందుకు ఇటీవలే ఎన్ విజన్ రేసింగ్ సంస్థ ఒక వినూత్న ప్రయత్నం చేసింది.
2248 లీటర్ల నీటితో ఒక ఐస్ కార్ తయారు చేయించింది దాన్ని లండన్లోని ఓ చోట ప్రదర్శనకు ఉంచింది. అయితే ఇదేదో వింతగా ఉంది అని అక్కడి ప్రజలందరూ ఆ కార్ చూడటానికి ఎంతగానో ఆసక్తి చూపించారు. అంతేకాకుండా ఆ కార్ ని ఫోటో తీసి తమ సెల్ ఫోన్లలో బంధించారు. అయితే పూర్తిగా ఐస్ తో తయారు చేసిన ఆ కార్ కేవలం 24 గంటల వ్యవధిలోనే కరిగిపోయింది. అయితే ప్రస్తుతం మనుషుల వల్ల కలుగుతున్న గ్లోబల్ వార్మింగ్ పర్యావరణ కాలుష్యం కారణంగా పర్వతాలు కూడా ఇలాగే కరిగిపోతున్నాయని.. అటు అక్కడి ప్రజలు అందరికీ అవగాహన కల్పించింది ఎన్ విజన్ రేసింగ్. అయితే ఈ కార్ కరిగి పోవడానికి ఎంత సమయం పడుతుందో చెప్పాలి అంటూ ప్రదర్శనకు ముందు అక్కడికి వచ్చిన ప్రజలందరినీ ప్రశ్నించింది ఈ సంస్థ.