కమ్మ సామాజిక వర్గం నుంచి జగన్ క్యాబినెట్లో మంత్రిగా కొడాలి నాని ఉన్నారు. జగన్ మరోసారి కొడాలి నాని ని కంటిన్యూ చేస్తారా ? లేదా ఆయనను పక్కన పెట్టి మరో కమ్మ నేతకు అవకాశం ఇస్తారా ? అన్నది ప్రస్తుతానికి సస్పెన్స్. అయితే గత ఎన్నికల ప్రచారంలో చిలకలూరిపేట సీటు త్యాగం చేసిన పార్టీ సీనియర్ నేత , మాజీ ఎమ్మెల్యే మర్రి రాజశేఖర్ ను ఎమ్మెల్సీ ని చేసి మంత్రి పదవి ఇస్తానని హామీ ఇచ్చారు. మరి ఇప్పుడు మర్రి రాజశేఖర్ కు ఇచ్చిన మాటను నెరవేర్చాలని అనుకుంటే జగన్ ఆయనను ఎమ్మెల్సీ ని చేయడంతో పాటు క్యాబినెట్ లోకి తీసుకోవాలి.
కొడాలి నాని మంత్రివర్గంలో ఉంటే టిడిపి , చంద్రబాబు , లోకేష్ పై తీవ్ర స్థాయిలో విరుచుకుపడుతూ ఉంటారు. కొడాలి ఫైర్ బ్రాండ్ మినిస్టర్గా పేరు తెచ్చుకున్నారు. కొడాలి నానిని కంటిన్యూ చేసి.. మర్రిని కూడా కేబినెట్లోకి తీసుకుంటే అప్పుడు జగన్ మంత్రివర్గంలో ఇద్దరు కమ్మ నేతలు మంత్రులు గా ఉన్నట్టు అవుతుంది. ఒకవేళ ఒక్క కమ్మ నేతకే ఛాన్స్ ఇవ్వాలంటే మర్రి కోసం కొడాలి నానిని కూడా పక్కన పెట్టక తప్పదు. మరి ప్రక్షాళనలో కమ్మ మంత్రి విషయంలో జగన్ ఈక్వేషన్ లు ఎలా ? ఉంటాయో చూడాల్సి ఉంది.