అలాగే రేవంత్ రెడ్డి ఇప్పటికీ చంద్రబాబు మనిషి అని మాట్లాడుతున్నారు. అయితే వారి మధ్య బంధం ఎలా ఉన్నా సరే, ఏపీలో ప్రతిపక్ష నాయకుడిగా చంద్రబాబు ఉన్నారు. అటు తెలంగాణలో ప్రధాన ప్రతిపక్షమైన కాంగ్రెస్‌ని రేవంత్ లీడ్ చేస్తున్నారు. పిసిసి అధ్యక్షుడిగా రేవంత్ రెడ్డి దూకుడు ప్రదర్శిస్తూ కేసీఆర్ ప్రభుత్వం పై విరుచుకుపడుతున్నారు. అలాగే ప్రజా సమస్యలపై పోరాటం చేస్తున్నారు. ఈ క్రమంలోనే ఒక విషయంలో మాత్రం రేవంత్ తన మాజీ బాస్ చంద్రబాబుని ఫాలో అవుతున్నట్లు కనిపిస్తోంది.
ఏపీలో ప్రతిపక్షంలో ఉన్న చంద్రబాబు ఎప్పటికప్పుడు టిడిపి నేతలను, కార్యకర్తలను యాక్టివ్‌గా ఉంచడానికి వైసీపీ ప్రభుత్వంపై విమర్శలు చేస్తుంటారు. అలాగే త్వరలోనే వైసీపీ అధికారంలో నుంచి దిగిపోతుందని మాట్లాడుతూ, నెక్స్ట్ అధికారంలో వచ్చేది మనమే అని చెప్తూ ఉంటారు. మొన్నటి వరకు జమిలి ఎన్నికలు వస్తున్నాయని, ఇక జగన్ ప్రభుత్వానికి టైం దగ్గర పడింది అని మాట్లాడుతూ ఉండేవారు. అయితే ఇలా మాట్లాడటం వల్ల కార్యకర్తలు, నేతలకు కాస్త ఉత్సాహం వచ్చి, ఇంకా పార్టీ తరఫున ఎక్కువగా పని చేస్తారు.
