పార్లమెంట్ మొదలు బయట కూడా పెగాసస్ గూఢచర్యం కేసులో ప్రతిపక్షాలు నిరంతరం కేంద్ర ప్రభుత్వాన్ని టార్గెట్ చేస్తున్న సంగతి తెలిసిందే. దీంతో ఇప్పుడు బీహార్ ముఖ్యమంత్రి నితీష్ కుమార్ పెగాసస్ గూఢచర్యం కేసుకు సంబంధించి ఒక ప్రకటన చేశారు. ఈ అంశంపై పార్లమెంట్ లో చర్చించాలని ఆయన అన్నారు. అంతే కాకుండా ఈ గూఢచర్యం కేసు దర్యాప్తు గురించి కూడా మాట్లాడారు. నితీశ్ కుమార్ యొక్క ఈ ప్రకటన చాలా ముఖ్యమైనది. ఎందుకంటే నితీష్ పార్టీ బిహార్‌లో బిజెపితో పొత్తులో ఉంది. ఇక ఈ అంశంపై మాట్లాడకుండా బిజెపి తప్పించుకుంటుంది.
పెగాసస్ గూఢచర్యం కేసు ఏ మాత్రం సమస్య కాదని మంత్రులు ప్రకటనలు ఇస్తున్నారు. మరోవైపు, నితీష్ కుమార్ చేసిన ఈ ప్రకటనపై ఆర్జేడీ ఎంపీ మనోజ్ స్పందించారు. ఆయన మాట్లాడుతూ, ''నితీశ్ కుమార్ తన ప్రకటనకు కట్టుబడి ఉండాలని నేను విజ్ఞప్తి చేస్తున్నాను. అతను ఒత్తిడికి గురికావద్దని నేను ఆశిస్తున్నాను అని పేర్కొన్నారు. నితీష్ కుమార్ ఇచ్చిన ప్రకటన చాలా ప్రశ్నలు లేవనెత్తింది. ఎందుకంటే గత కొన్ని రోజులుగా ఆయన బీజేపీ సిద్ధాంతానికి పూర్తిగా విరుద్ధంగా ఏదో చేస్తున్నారు అనే వార్తలు వెలువడుతున్నాయి.
కుల గణన విషయంలో నితీష్ కుమార్ తన బద్ధ రాజకీయ ప్రత్యర్థి మరియు RJD నాయకుడు తేజశ్వి యాదవ్‌ని కూడా కలిశారు. ఈ విషయంలో బీజేపీ వైఖరి భిన్నంగా ఉంది. కొన్ని రోజుల క్రితం, అతను హర్యానా మాజీ ముఖ్యమంత్రి ఓం ప్రకాష్ చౌతాలాను కూడా కలిశాడు. ఈ సమావేశం రాజకీయేతరమైనది అని చెబుతున్నా, ఇప్పుడు రాజకీయ వర్గాల్లో పెద్ద ఎత్తున చర్చనీయాంశంగా మారుతోంది. కాబట్టి నితీష్ స్టాండ్ మార్పు కేవలం బీజేపీకి వ్యతిరేకతను సూచిస్తుందా ? అసలు నితీష్ కుమార్ ఏం చేయడానికి ప్రయత్నిస్తున్నారు? ఆయన త్వరలో ఏర్పాటు అయ్యే యాంటీ మోడీ-బీజేపీ ఫ్రంట్ లో చేరతారా ? అనే ఊహాగానాలు వెలువడుతున్నాయి..
