ఇదే కోవ‌లోకి మెగా హిరో వ‌రుణ్ తేజ్ కూడా వ‌స్తాడు. తన కొత్త సినిమా `గ‌ని` కోసం జిమ్‌లో తీవ్రంగా శ్రమిస్తున్న వీడియో సోష‌ల్ మిడియాలో వైర‌ల్ అవుతుంది. బ్యాక్ లుక్‌లో తీసిన వీడియోలో వ‌ర‌ణ్ పుల్ అప్స్ తీస్తూ క‌నిపిస్తు హార్డ్ వ‌ర్క్‌కు బ్యాక్ అప్ ఉండుదు అంటూ క్యాప్ష‌న్ ను జోడించాడు. అల్లు బాబీ మరియు సిద్దు నిర్మాత‌గా వ్య‌వ‌హ‌రిస్తున్న గ‌నికి కిర‌ణ కొర్రపాటి దర్శకత్వం వ‌హిస్తున్నాడు. బాక్సింగ్ నేప‌థ్యంలో వ‌స్తున్న ఈ సినిమాలో వ‌రుణ్ మాంచి ఫిజిక్ తో క‌న‌బ‌డ‌నున్నాడు. ఈ ఫిజిక్ కోసం వ‌రుణ్ ఒలింపిక్ విజేత‌ల ద‌గ్గ‌ర ట్రైనింగ్ తీసుకుంటున్న‌ట్టు సమాచారం. అంత‌ర్జాతీయ నిపుణుల నుంచి వ‌రుణ్ తేజ్ సూచ‌న‌లు తీసుకుంటున్న‌ట్టు తెలిసింది. కండ‌ల వీరుడిగా వ‌రుణ్‌ను చూసి మెగా అభిమానులు తెగ సంబుర‌ప‌డిపోతున్నారు.
గ‌నిలో వ‌రుణ్ లుక్ మాత్ర‌మే కాకుండా కథ కూడా విభిన్నంగా ఉంటుంద‌ని సమాచారం. ఈ చిత్రంతో వ‌రుణ్ తేజ్ క‌మ‌ర్షియ‌ల్ హిట్‌ను సాధించ‌డం ఖాయంగా క‌నిపిస్తోంద‌ని అభిమానులు ఆశాభావం వ్య‌క్తం చేస్తున్నారు. ప్ర‌స్తుతం వ‌రుణ్ తేజ్ ఎఫ్3 లో వెంక‌టేష్‌తో క‌లిసి న‌టిస్తున్న సంగ‌తి తెలిసిందే. అనిల్ రావిపూడి ద‌ర్శ‌క‌త్వంలో వచ్చిన ఎఫ్2 ఎంట‌ర్టైన్‌మెంట్ సినిమాగా అభిమానుల‌ను అల‌రించి మంచి విజ‌యాన్ని సొంతం చేసుకుంది. ఈ న‌మ్మ‌కంతో ఎఫ్ 3 కూడా నిర్మిస్తున్నారు.
గ‌తంలో వ‌రుణ్ తేజ్ హీరోగా న‌టించిన సినిమాలు మంచి విజ‌యాన్నే సాధించాయి. దీంతో గ‌ని, ఎఫ్3 కూడా భారీ స్తాయిలో విజ‌యాన్ని అందుకుంటాయ‌ని అభిమానులు దీమా వ్య‌క్తం చేస్తున్నారు. ఈ రెండు సినిమాలు ఇప్ప‌టికే పూర్తి అవ్వాల్సి ఉండ‌గా క‌రోనా కార‌ణంగా ఆల‌స్య‌మ‌యింది. ఎఫ్3 విడుదల త‌రువాత గ‌ని కూడా వ‌చ్చే ఏడాదే ప్రేక్ష‌కుల ముందుకు రానున్న‌ట్లు తెలుస్తోంది.
