శివపురి జిల్లా పిప్రౌధ గ్రామంలో మంగళవారం ఉదయం ఐదుగురు వ్యక్తులను రక్షించినట్లు అధికారులు తెలిపారు. ఇది కాకుండా బీచి గ్రామంలో సుమారు 24 గంటల పాటు ముగ్గురు వ్యక్తులు చెట్టుపై చిక్కుకున్నారు. ఈ వ్యక్తులు వరద నుంచి తప్పించుకోవడానికి చెట్టు ఎక్కారు. తరువాత అక్కడే చిక్కుకుపోయారు. రాష్ట్ర విపత్తు ప్రతిస్పందన దళం (ఎస్డీఆరెఫ్) బృందం ఈ ముగ్గురు వ్యక్తులను పడవ సహాయంతో రక్షించినట్లు ముఖ్యమంత్రి చౌహాన్ తెలియజేశారు. వరద ప్రభావిత ప్రాంతాల్లో ఏరియల్ సర్వే చేయనున్నట్లు ఆయన తెలిపారు.
చౌహాన్ గ్వాలియర్-చంబల్ ప్రాంతంలోని మొత్తం 1171 గ్రామాలు అధిక వర్షపాతం కారణంగా ప్రభావితమయ్యాయని, ముఖ్యంగా శివపురి మరియు షియోపూర్, ఇక్కడ 800 మి.మీ వర్షపాఠం నమోదవడంతో వరద పోటెత్తిందని, ఇప్పటివరకు జాతీయ విపత్తు ప్రతిస్పందన దళం (ఎన్డిఆరెఫ్), ఎస్డీఆరెఫ్ 1600 మందిని సురక్షిత ప్రాంతాలకు తరలించాయని ఆయన చెప్పారు. 200 గ్రామాలు ఇంకా ముంపునకు గురవుతున్నాయి. ప్రభావిత ప్రాంతాల్లో ప్రజలను రక్షించడానికి పడవల సహాయాన్ని తీసుకుంటున్నట్లు ముఖ్యమంత్రి చౌహాన్ తెలియజేశారు. వరదల కారణంగా రెండు అక్కడ రెండు బ్రిడ్జిలు కూలిపోయాయి.