ఈ నిర్ణయం తో ఇంకొంత కాలం కరోనా మందులు తక్కువ ధరలకు లభించగలవు. ఇక ఫుడ్ డెలివరీ యాప్స్ అయినటువంటి జొమాటో, స్విగ్గి ద్వారా ఫుడ్ ఆర్డర్ చేసే వారికి మాత్రం కాస్త పిరం కానున్నాయి. తాజా జీఎస్టీ కౌన్సిల్ ఈ యాప్స్ పై జీఎస్టీ 5 శాతానికి పెంచారు. జనవరి నుండి ఈ కొత్త జీఎస్టీ అమలులోకి వస్తుంది. ఇక ఐస్ క్రీం పై 18 శాతం జీఎస్టీ; రైల్వే విడిభాగాలు, లోకో మోటివ్ పై జీఎస్టీ 12 నుండి 18 కి పెంచారు.
అలాగే బయో డీజిల్ పై జీఎస్టీ 12 నుండి 5 శాతానికి తగ్గించారు. వికలాంగుల వాహనాలపై కూడా జీఎస్టీ 5 శాతానికి కుదించారు. ఫోర్టిఫైడ్ రైస్ పై కూడా జీఎస్టీ 18 నుండి 5 శాతానికి తగ్గించారు. ఓడలు, విమానాల ద్వారా మరో ఏడాదిపాటు ఎగుమతులపై జీఎస్టీ ఉండబోదని కౌన్సిల్ స్పష్టం చేసింది. క్యాన్సర్ ఔషదాలపై కూడా 12 శాతంగా ఉన్న జీఎస్టీ ని 5 శాతానికి తగ్గించారు. ఇక రాష్ట్రాలకు జీఎస్టీ చెల్లింపులలో పెంపును కూడా వాయిదా వేశారు. దీనితో చాలా రాష్ట్రాలకు ఈ కౌన్సిల్ నిర్ణయాలు చేదు నే మిగిల్చాయి. ఈ సారైనా జీఎస్టీ పెంపు జరిగితే తమకు బడ్జెట్ కేటాయింపులు పెరుగుతాయని ఆయా రాష్ట్రాలు కౌన్సిల్ సమావేశంపై ఆశలు పెట్టుకున్నాయి. అయితే అలాంటివి ఏవి జరగకపోవటం విశేషం.