ప్రతి పర్యటనలో కూడా నేను సచివాలయాల సందర్శన తప్పనిసరిగా చేస్తాను అని తెలిపారు ఆయన. గ్రామ, వార్డు సచివాలయాల సందర్శన చేస్తున్న సమయంలో ఏయే అంశాలపై దృష్టిపెట్టాలో మార్గదర్శకాలు కూడా ఇచ్చాం అని అన్నారు. ప్రతినెలా చివరి శుక్రవారం, చివరి శనివారం సిటిజన్ అవుట్ రీచ్ కార్యక్రమం నిర్వహిస్తామని పేర్కొన్నారు. సెప్టెంబరు 24, 25 తేదీల్లో సిటిజన్ అవుట్రీజ్ కార్యక్రమం ఉంటుందని వివరించ్చారు. ప్రభుత్వం అమలు చేస్తున్న కార్యక్రమాలు, అందిస్తున్న సేవలు, ముఖ్యమైన ఫోన్ నంబర్లతో కూడిన పాంప్లెట్లను పౌరులకు అందించాలి అని ఆయన సూచించారు.
విజయదశమి రోజున ఆసరా పథకం అమలు చేస్తామని తెలిపారు. అక్టోబరు 7 నుంచి 10 రోజలుపాటు ఆసరా పథకంపై అవగాహన, చైతన్య కార్యక్రమాలు నిర్వహిస్తామని అన్నారు. క్లీన్ ఆంధ్రప్రదేశ్ కార్యక్రమం ‘‘క్లాప్’’ అక్టోబరు 1న ప్రారంభిస్తామని అన్నారు. అక్టోబరు 19న జగనన్న తోడు కార్యక్రమం నిర్వహిస్తామని దీనికింద చిరు వ్యాపారులకు వడ్డీలేని రుణాలు ఇస్తామని పేర్కొన్నారు. అక్టోబరు 26న రైతులకు ‘‘వైయస్సార్ సున్నావడ్డీ రుణాలు’’ కార్యక్రమం ప్రారంభిస్తామని వివరించారు. దీంతో పాటు ఈ ఏడాది రైతు భరోసా రెండో విడత అమలు చేస్తామని పేర్కొన్నారు. సిఎం జగన్ ప్రజల్లోకి రావాలని నిర్ణయం తీసుకోవడం ఇప్పుడు సంచలనం అయింది. ఊహాగానాలకు ఆయన చెక్ పెట్టేసారు.