లక్ష్మారెడ్డి వ్యాఖ్యల్లో చాలా నిగూఢ అర్థం ఉందని రాజకీయ వర్గాల వారు, పరిశీలకులు విశ్లేషిస్తున్నారు. నిజానికి చాలా సందర్భాల్లో ప్రభుత్వాన్ని, ముఖ్యమంత్రి కేసీఆర్‌ను ఇరుకున పెట్టేవిధంగా కూడా లక్ష్మారెడ్డి వ్యాఖ్యానించారు. రాష్ట్రంలో జనాలకు సంక్షేమ పథకాలు ఎక్కువయ్యాయనీ, సీఎంతో చెప్పి ఇప్పటికిపుడు ఇలాంటి పథకాలను అన్నింటినీ ఆపేయిం చాలని, ఎన్నికలు ఆరు నెలలు ఉండగానే మళ్లీ చేపట్టేలా చేయమని అడగాలని అనిపిస్తుందని కూడా లక్ష్మారెడ్డి అన్నారు. మొన్నటి మునిపిపల్ ఎన్నికల్లో.. ఒకవేళ మీరు కనుక టీఆర్‌ఎస్‌కు ఓటు వేయకుంటే.. మీకు రేషన్ ఇవ్వము..ఇళ్లు కూడా ఇవ్వమని అన్నారు.ఇలా అంతటి సీనియర్ నాయకుడు వ్యాఖ్యానిస్తున్నారంటే..తీవ్రంగానే పరిగణించాల్సి ఉంటుందని విశ్లేషకులు అభిప్రాయపడుతున్నారు. లక్ష్మారెడ్డి ఎందుకలా వ్యాఖ్యానిస్తున్నారో అని కూడా చర్చించుకుంటున్నారు. ఇన్నాళ్లు కొనసాగిన రాజకీయం.. రానురాను తనలాంటి వారికి స్థానం లేకుండా పోతుందా అని ఏదైనా అనుమానిస్తున్నారా? లేక ఇప్పుడు తప్పుకోవాలన్న ఉద్దేశ్యం ఏదైనా ఉందా? అని కూడా అనుకుంటున్నారు. ఇంతటి వ్యాఖ్యలు బహిరంగంగానే చేస్తున్నారంటే.. మరి సీఎం కేసీఆర్‌కు కూడా తెలిసే చేస్తున్నారా? ఇలాంటి చర్చ జరిగి సమాజంలో రాజకీయాలలో సమూల మార్పులు జరగాలనే భావనలో ఉన్నారా? అనేది కాలమే నిర్ణయించాలి.
