ఆర్టీసీని అమ్మేసేందుకు ప్ర‌ణాళిక‌లు సిద్ధం అయ్యాయా ? అందుకు సీఎం కేసీఆర్ సిద్ధ‌మేనా? మ‌రి! వైఎస్ భ‌క్తుడు ఏం చేస్తున్నాడ ని? ఇలాంటి ప్ర‌శ్న‌ల‌కు స‌మాధానం వెతికే పని ఒక‌టి త‌ప్ప‌క చేయాలి. త్వ‌ర‌లో ఇందుకు సంబంధించి కొన్ని జ‌వాబులు కూడా వె లుగు చూడాలి. వాస్త‌వానికి ఆ మ‌ధ్య ఆర్టీసీ స‌మ్మె వేళ కేసీఆర్ ఎన్నో విష‌యాలు చెప్పారు. సంస్థ న‌ష్టాల‌ను అధిగ‌మించేందుకు ఏం చేయాలో కూడా సూచించారు. కానీ ఆర్టీసీ గాడిన ప‌డ‌లేదు. క‌రోనా కార‌ణంగా ఇంకా ఎక్కువ న‌ష్టాల్లో ఉంది. డీజిల్ ధ‌ర‌లు పెర‌గ‌డంతో ఆర్టీసీ ఆదాయం క‌న్నా ఖ‌ర్చు ఎక్కువ‌యిపోయింది. దీంతో ఏం చేయాలో తెలియ‌ని స్థితిలో అధికారులు ప‌డ్డారు. రానున్న నాలుగు నెల‌ల్లో ఆర్టీసీని గాడిన పెట్టాల‌ని కేసీఆర్ ఇప్ప‌టికే ఎండీ స‌జ్జ‌నార్ కు చెప్పారు. ఇప్పుడేమౌతుంది?
