ఏపీ సీఎం జగన్ నిర్ణయాలే పరిశ్రమను కొంప ముంచేలా ఉన్నాయి.ఇవి గతంలో లేనివి అయితే తెలివిగా కొంతమంది తమ అనుకూల వర్గాన్ని తెరపైకి తెచ్చి వైసీపీ సర్కారు నాటకాలాడిస్తుందని జనసేన అభిమానులు మండిపడుతున్నారు. కోట్ల మందిని ప్రభావితం చేసే సినిమా, లక్షల మందికి భోజనం పెడుతుందని, అలాంటి పరిశ్రమకు అన్యాయం చేయకండని వేడుకుంటున్నారు మరికొందరు. పవన్ కారణంగా జగన్ డైలామాలో పడిపోయారు. ఏం చేసినా ఈ సారి ఓట్ల రూపంలో వైసీపీకి భారీ నష్టం రావడం తథ్యం.
సినిమా ఎలా ఉన్నా పవన్ మాటలు అదిరిపోయాయి. రిపబ్లిక్ అన్న టైటిల్ కు జస్టిఫికేషన్ ఇచ్చిందే పవన్. మీరు రాజ్యాంగ స్ఫూర్తిని కొల్లగొడుతున్నారని, పవన్ పంచెకట్టులో చెప్పిన డైలాగ్స్ ఫక్తు పొలిటీషియన్ ను మించి పోయాయి. ఎన్నడూ లేనంత ఆవేశం నిన్న కట్టలు తెంచుకుంది. ఆయన ఆవేశమో ఆవేదనో ఏదో ఒకటి ప్రభుత్వాలు అర్థం చేసుకుంటాయా అన్నది పెద్ద ప్రశ్న. లేదా ఏపీ సీఎంపై సినిమా పరిశ్రమ కోర్టులను ఆశ్రయించి న్యాయ పోరాటం ఏమయినా చేస్తాయా? అన్నదిక ఆసక్తికి కారణం.