రాజధాని అమరావతి నిర్మాణం కోసం చంద్రబాబు సర్కార్ 33 వేల ఎకరాల భూమిని సేకరించడంపై అప్పట్లో జనసేనాని తప్పుబట్టారు. రాజధానిలో ఆందోళన చేస్తున్న రైతులకు మద్దతుగా ఆందోళనలు కూడా చేశారు. అంతటితో ఆగకుండా... 2019 సార్వత్రిక ఎన్నికల్లో స్వతంత్రంగా పోటీ చేశారు. రెండు నియోజకవర్గాల్లో పోటీ చేసిన పవన్... అనూహ్యంగా ఓటమి పాలయ్యారు. అయినా సరే... జగన్ సర్కార్‌పై తన పోరాటం కొనసాగించారు. అయితే ఇదే సమయంలో మళ్లీ సినిమాలపై దృష్టి పెట్టిన పవన్... వరుసగా సినిమాలు తీస్తున్నారు. కొద్ది రోజుల పాటు రాజకీయాలకు కామా పెట్టిన జనసేనాని.. తాజాగా రిపబ్లిక్ సినిమా ఫంక్షన్‌లో తన వాయిస్ రైజ్ చేశారు. అసలు అది సినిమా ఫంక్షనా... లేక రాజకీయ వేదికా అన్నట్లుగా ప్రసంగించారు. సినిమాల గురించి కామెంట్ చేస్తూనే... అందుకు రాజకీయాలను లింక్ చేశారు. తన జోలికి ఎవరైనా వస్తే... ఊరుకునేది లేదంటూ వార్నింగ్ ఇచ్చారు. సినిమా పరిశ్రమకు రాజకీయ నేతలు పెడుతున్న ఇబ్బందులను ప్రస్తావిస్తూ... ఇండస్ట్రీ వైపు కన్నెత్తి చూస్తే... కాలిపోతారు జాగ్రత్త అంటూ స్ట్రాంగ్ వార్నింగ్ ఇచ్చేశారు పవన్. ఇన్ని రోజులు సైలెంట్‌గా జనసేనాని... పరిషత్ ఎన్నికల ఫలితాల తర్వాత... వాయిస్ రైజ్ చేయడం... ఇప్పుడు హాట్ హాట్‌గా మారింది.
