న్యూయార్క్ లో చైల్డ్ పోర్నోగ్రఫీ విచ్చలవిడిగా జరుగుతుంది. ఇందులో ప్రధాన నిందితుడిగా కెల్లీ ఉన్నాడు. అంతేకాదు మహిళల అక్రమ రవాణా కేసులో ఆరోపణలు ఎదుర్కొంటున్నాడు. కెల్లీపై మొత్తం 14కేసులుండగా.. ఈ కేసులన్నిటిలో దోషిగా తేలాడు. గత 20 సంవత్సరాల నుండి ఇతడు అసాంఘిక కార్యకలాపాలకు పాల్పడుతున్నాడు. ఒక్క లైంగిక దోపిడీ కేసు మాత్రమే కాదు.. కిడ్నాప్, లంచం కేసుల్లో కూడా ఇతనిపై అభియోగాలున్నాయి. ఏ నేరాన్ని ఇతడు చేసినట్టు ఒప్పుకోక పోగా.. రుజువులు కెల్లీని దోషిగా తేల్చాయి. ఆరుగురు సాక్షుల ద్వారా ఇతని బండారం బట్ట బయలైంది. కెల్లీ జైలులో ఓ మహిళకు మత్తు మందు ఇచ్చి ఆమెపై లైంగిక దాడికి పాల్పడ్డాడు. ఈ విషయాన్ని బయటికి చెబితే చంపేస్తానని బెదిరించాడని బాధితురాలు లిఖిత పూర్వకంగా తెలిపింది. బహిరంగంగా ఆమె ఎవరో తెలియకపోయినా.. జరుగుతున్న విచారణలో తాను ఎదుర్కొన్న వేధింపులను వివరించింది. కెల్లీ నుండి ప్రాణాలు కాపాడుకోవడానికి దాక్కున్నట్టు చెప్పుకొచ్చింది.
1996లో వచ్చిన ఐ బిలీవ్ ఐ కెన్ ఫ్లై అనే పాట ద్వారా ప్రపంచ వ్యాప్తంగా పాపులర్ అయ్యాడు కెల్లీ. ఇతని పూర్తి పేరు రాబర్ట్ సిల్వెస్టర్ కెల్లీ. ఇతని నేర సామ్రాజ్య విస్తరణలో ఎవరు ఎలా సహాయ పడతారో ప్రాసిక్యూటర్లు పూసకు గుచ్చినట్టు వివరించారు.
.
