పైగా ఏలూరు పార్లమెంట్ టిడిపి అధ్యక్షుడుగా గన్నీ వీరాంజనేయులు దూకుడుగా పనిచేస్తున్నారు....అసెంబ్లీ స్థానాల్లో టిడిపి నేతలని సమన్వయం చేసుకుంటూ పార్టీని బలోపేతం చేస్తున్నారు. అలాగే గన్నీ...తన సొంత నియోజకవర్గం ఉంగుటూరులో బాగానే పికప్ అయినట్లు కనిపిస్తోంది. గత ఎన్నికల్లో గన్నీ భారీ మెజారిటీ తేడాతో ఉంగుటూరులో ఓడిపోయారు. ఓడిపోయినా సరే గన్నీ పార్టీ కోసం నిలబడుతూ వచ్చారు. కార్యకర్తలని సమన్వయం చేసుకుంటూ పార్టీని చాలా వరకు బలోపేతం చేశారు. ఇంకో రెండేళ్ళు కూడా కష్టపడితే ఉంగుటూరులో టిడిపి సెట్ అయిపోతుంది.
ఇక దెందులూరులో ఫైర్ బ్రాండ్ చింతమనేని ప్రభాకర్ చాలా వేగంగా పుంజుకున్నారు. అసలు తక్కువ సమయంలోనే ఓటమి నుంచి బయటపడి పికప్ అయ్యారు. నెక్స్ట్ ఎన్నికల్లో దెందులూరులో చింతమనేనికి తిరుగులేదని తెలుస్తోంది. అటు ఏలూరులో టిడిపి నేత బడేటి బుజ్జి చనిపోవడంతో, ఆయన స్థానంలో బడేటి చంటి వచ్చారు. చంటి కూడా దూకుడుగా పనిచేస్తున్నారు. ఏలూరులో పార్టీని బాగానే పికప్ చేసుకున్నారు.
నూజివీడులో ముద్రబోయిన వెంకటేశ్వరరావు కాస్త యాక్టివ్ గానే పనిచేస్తున్నారు. ఇంకా యాక్టివ్ గా పనిచేయాల్సిన అవసరముంది. కైకలూరులో జయమంగళ వెంకటరమణ పికప్ అవ్వాల్సిన అవసరముంది. పోలవరం, చింతలపూడి నియోజకవర్గాల్లో టిడిపి ఇంకా వీక్ గానే ఉంది. అయితే నెక్స్ట్ జనసేనతో గానీ పొత్తు పెట్టుకుంటే ఏలూరులో టిడిపికి తిరుగుండదనే చెప్పొచ్చు.