ఇక ఇప్పుడు కేంద్ర ఎన్నికల సంఘం దళిత బందుకి సంబంధించి ఆపాలి అని ఆదేశాలు ఇచ్చింది. బీజేపీ లేఖ వలనే దళితబంధు నిలిపోయిందని టీఆర్ఎస్ ప్రచారం చేస్తుంది. దళితబంధు పథకం అమలుపై టీఆర్ఎస్ ప్రభుత్వానికి చిత్తశుద్ధి లేదంటోన్న బీజేపీ... ఈనెల 7న కేంద్ర ఎన్నికల సంఘానికి రాసిన లేఖను విడుదల చేసింది. జిల్లా కలెక్టర్, పోలీస్ కమిషనర్, హుజురాబాద్ ఎన్నికల రిటర్నింగ్ అధికారి బదిలీ చేయాలని లేఖలో బీజేపీ ప్రధాన కార్యదర్శి ప్రేమేందర్ రెడ్డి పేర్కొన్నారు. దళిత బంధు లబ్ధిదారులను గుర్తించినప్పటికీ వాళ్ళ ఖాతాలో కావాలనే నగదు జమ చేయటం లేదు అని ఆరోపించారు.
ఎన్నికలకు రెండు మూడు రోజుల ముందు దళితబంధు నిధులను లబ్ధిదారుల ఖాతాలో జమ చేయాలని అధికార పార్టీ ప్రయత్నాలు చేస్తోంది అని ఆయన లేఖలో వివరించారు. దళిత బంధు విషయంలో అధికార పార్టీకి లబ్ధి చేకూరే విధంగా కలెక్టర్ వ్యవహరిస్తున్నాడు అని ఆయన లేఖలో వివరించారు. అన్ని రకాల ఫార్మాలిటీస్ పూర్తి చేసినా నిధులను ఉద్దేశపూర్వకంగా కలెక్టర్ హోల్డ్ చేశారు అని పేర్కొన్నారు. అక్టోబర్ 7న కేంద్ర ఎన్నికల సంఘానికి రాసిన లేఖలో బీజేపీ ప్రధాన కార్యదర్శి ప్రేమేందర్ రెడ్డి పేర్కొన్నారు.
