రాజకీయంగా పదవుల విషయంలో పెద్దగా కక్కుర్తి పడని జగ్గారెడ్డి కొన్ని కొన్ని విషయాల్లో మాత్రం కాస్త దూకుడుగా ముందుకు వెళుతూ ఉంటారు. తనను నమ్ముకున్న వాళ్ళను అలాగే తాను నమ్ముకున్న వాళ్ళను కాపాడుకునే విషయంలో జగ్గారెడ్డి ముందు వరుసలో ఉంటారు. మాజీ తెలంగాణ కాంగ్రెస్ పార్టీ అధ్యక్షుడు ఉత్తంకుమార్ రెడ్డి విషయంలో ఒక్క మాట కూడా ఎవరినీ అననిచ్చేవాళ్ళు కాదు జగ్గారెడ్డి. రేవంత్ రెడ్డి కాంగ్రెస్ పార్టీ రాష్ట్ర అధ్యక్షుడు అయిన తర్వాత మాత్రం ఆయన కాస్త దూకుడుగా విమర్శలు చేయడం మనం ఈ మధ్యకాలంలో ఎక్కువగా చూస్తున్నాం.
రేవంత్ రెడ్డి కొన్ని కొన్ని విషయాల్లో ఆయనను కూడా ఇబ్బంది పెట్టిన నేపథ్యంలో ఆ పార్టీకి దూరంగా ఉండాలని భావించి కొంత మంది టిఆర్ఎస్ పార్టీ నాయకులతో ఆయన చర్చలు జరిపారని వార్తలు వినిపించాయి. అయితే జగ్గా రెడ్డి గురించి తెలిసిన ఒక సీనియర్ జర్నలిస్టు కాస్త ఆసక్తికర వ్యాఖ్యలు చేశారు. జగ్గారెడ్డి రాజకీయం తెలిసిన మనిషని టీఆర్ఎస్ పార్టీలోకి వెళితే తనకు ప్రాధాన్యత ఉండదని అలాగే బీజేపీ లోకి వెళ్ళిన సంగతి పట్టించుకునే అవకాశం ఉండదని కాంగ్రెస్ పార్టీలోనే తనకు స్వేచ్ఛ ఎక్కువగా ఉంటుందని అందుకే ఆయన పార్టీ మారే అవకాశం లేదని స్పష్టం చేశారు సదరు సీనియర్ జర్నలిస్టు.
