ఇప్పటికే యూపీ భవిష్యత్తు ముఖ్యమంత్రిగా ప్రియాంకా గాంధీ వాద్రా పేరు ఇప్పటికే విస్తృతంగా ప్రచారం జరుగుతోంది. ఇప్పటికే ప్రియాంకా గంగా నదిలో 12 వేల కిలోమీటర్ల పొడవైన బోట్ ర్యాలీ నిర్వహించారు. అలాగే యూపీలో ఏ చిన్న ఘటన జరిగినా కూడా... కాంగ్రెస్ పార్టీ తరఫున ముందుగా ఆ ప్రాంతాన్ని సందర్శిస్తున్నారు ప్రియాంకా. తాజాగా లఖింపూర్ ఖేరీ ఘటనలో నలుగురు రైతులు మృతి చెందిన నేపథ్యంలో అక్కడికి వెళ్లేందుకు యత్నించిన ప్రియాంకా గాంధీని అనుమతి లేదంటూ యూపీ పోలీసులు అదుపులోకి తీసుకున్నారు. దాదాపు 48 గంటల పాటు పోలీస్ స్టేషన్‌లోనే నిర్భందించారు. ఉత్తర ప్రదేశ్ రాష్ట్రంలో అత్యాచారాలు పెరిగిపోతున్నాయని ప్రియాంక ఆరోపించారు. మహిళలు, బాలికల రక్షణ కోసమే 40 శాతం టికెట్లు మహిళలకు కేటాయిస్తున్నట్లు వెల్లడించారు. మహిళలు మార్పు తీసుకురాగలరని బలంగా నమ్ముతున్న పార్టీ కాంగ్రెస్ అని ప్రియాంక వెల్లడించారు. రాబోయే ఎన్నికల్లో కాంగ్రెస్ పార్టీ భారీ మెజారిటీతో విజయం సాధిస్తుందని ప్రియాంక గాంధీ వాద్రా ధీమా వ్యక్తం చేశారు.
