ఇదే సమయంలో రహదారి నిబంధనలపై కూడా కేంద్రం దృష్టి సారించింది. నిబందనలు ఉల్లంఘించే వారికి ఇకపై కొరఢా ఝుళిపించనున్నారు. ద్వి చక్ర వాహనంపై వెళ్లే వారిపై ముందుగా ఫోకస్ పెట్టింది కేంద్రం. రోడ్డు ప్రమాదాలపై తాజాగా వచ్చిన నివేదిక ప్రకారం... ఎక్కువ మంది బైక్ ప్రమాదాల్లోనే మరణిస్తున్నారు. ఇందుకు ప్రధానంగా హెల్మెట్ ధారణ లేకపోవడమే అని నిర్థారించారు. దీంతో ఇప్పుడు తాజాగా కొత్త రూల్ అమలు చేసేందుకు మెగా ప్లాన్ వేసింది. ఇకపై ద్వి చక్ర వాహనంపై ప్రయాణించే వారు తప్పని సరిగా హెల్మెట్ ధరించాల్సిందే. వాహనం నడిపే వారితో పాటు... వెనుక కూర్చున్న వారు కూడా హెల్మెట్ తప్పని సరి. లేదంటే... వెయ్యి రూపాయలు జరిమానా కట్టాల్సిందే. ఇది మొదటి సారి. రెండవ సారి అయిత్ రెట్టింపు వసూలు చేస్తారు. ఇకపై బైక్ పై వెళ్లే వారు... దారిలో ఎవరికైనా లిఫ్ట్ ఇవ్వాలనుకుంటే... ముందుగా హెల్మెట్ ఉందా... లేదా చూసుకోవాల్సిందే. ఇప్పటి వరకు వాహనం నడిపే వారిపైనే ప్రధానంగా పోలీసులు దృష్టి సారిస్తున్నారు. దీంతో... దాదాపు 90 శాతం మంది హెల్మెట్ ధరిస్తున్నారు. ఇకపై వెనుక కూర్చునే వారు కూడా తప్పనిసరి చేసింది కేంద్రం. ఇప్పటికే బెంగళూరు నగరంలో ఈ రూల్ అమలు చేస్తున్నారు. వెనక ప్రయాణించే వారు హెల్మెట్ పెట్టుకోకపోతే మాత్రం చలాన తప్పదు.
