టెండర్ డాక్యుమెంట్ల పరిశీలన కోసం న్యాయ కమిషన్ పరిశీలన కోసం ఈ ప్రతిపాదనలను ప్రభుత్వం పంపింది. న్యాయ కమిషన్ పరిశీలన తర్వాత ఈ ప్రైవేటుకు అప్పగింత ప్రారంభం అయ్యే అవకాశం ఉంది. ఈ ప్యాకేజీల వివరాలు ఇలా ఉన్నాయి. ప్యాకేజీ- 1 లోకి విశాఖపట్నం, విజయనగరం, శ్రీకాకుళం జిల్లాలు వస్తాయి. ఈ ప్యాకేజీ వన్ రిజర్వ్ ధర 1056 కోట్ల రూపాయలుగా నిర్ణయించారు. ప్యాకేజీ-2లోకి పశ్చిమగోదావరి, తూర్పుగోదావరి జిల్లాలు వస్తాయి.. ఈ ప్యాకేజీ 2 రిజర్వ్ ధర 485 కోట్లుగా నిర్ణయించారు.
ఇక మూడో ప్యాకేజీ కిందకు కృష్ణా-గుంటూరు జిల్లాలు వస్తాయి. ఈ రెండు జిల్లాలు ఉన్న ప్యాకేజీ మూడు రిజర్వ్ ధర 944 కోట్ల రూపాయలుగా నిర్ణయించారు. ఇక నాలుగో ప్యాకేజీ కిందకు ప్రకాశం జిల్లా వస్తుంది. ఈ ప్యాకేజీ రిజర్వ్ ధర 1659 కోట్లుగా నిర్ణయించారు. ఐదో ప్యాకేజీ కిందకు నెల్లూరు- చిత్తూరు జిల్లాలు వస్తాయి. ఈ ప్యాకేజీ రిజర్వ్ ధర 862 కోట్ల రూపాయలుగా నిర్ణయించారు. ఆరో ప్యాకేజీ కింద అనంతపురము, కడప, కర్నూలు జిల్లాలు రాబోతున్నాయి. ఈ ప్యాకేజీ రిజర్వ్ ధర 876 కోట్లుగా నిర్ణయించారు.
ఇదీ ప్యాకేజీల ప్రతిపాదనల వివరాలు.. ఈ మేరకు డ్రాఫ్టు న్యాయ కమిషన్ వద్దకు చేరింది. దీన్ని న్యాయ కమిషన్ పరిశీలించి ఏమైనా అభ్యంతరాలు ఉంటే చెబుతుంది. లేదంటే.. ఈ ప్యాకేజీలకు పచ్చజెండా ఊపుతుంది. అప్పటి నుంచి ఈ ప్యాకేజీలు అమల్లోకి వస్తాయి.
