ఇలా మార్కెట్లోకి ఎన్ని మోడ్రన్ డ్రెస్సులు వచ్చినప్పటికీ భారతీయ సాంప్రదాయానికి కేరాఫ్ అడ్రస్ అయిన చీరకట్టుకు మాత్రం ఒక ప్రత్యేకమైన స్థానం ఎప్పుడూ ఉంటుంది. అయితే చీరకట్టులో మహిళలు మాత్రమే కాదు కోతులు కూడా ఎంతో వయ్యారంగా ఎంతో అందంగా కనిపిస్తాయి అన్నది ఇక్కడ ఒక కోతి నిరూపించింది. కోతులు వివిధ రకాల డ్రెస్సులు వేసుకోవడం ఇప్పటివరకు సోషల్ మీడియా లో చూశాము. కానీ ఒక కోతి చీరకట్టులో కనిపిస్తే ఎలా ఉంటుంది అనేది మాత్రం చాలామందికి తెలియదు. అదే కోతి చీరకట్టులో కనిపిస్తే ఎంతో వయ్యారాలు ఒలకబోస్తూ ఉంటే ఇక చూస్తూ మురిసిపోతూ ఉంటారు అందరూ. ఇక్కడ ఒక కోతి కూడా ఇలాంటిదే చేసి ప్రస్తుతం సోషల్ మీడియాలో హాట్ టాపిక్ గా మారిపోయింది.
శ్రీకాకుళం లో కనిపించిన ఈ సీన్ కు సంబంధించిన ఫోటో కాస్తా ప్రస్తుతం ఎంతోమంది మనసుతో చేస్తున్నాయి. శ్రీకాకుళం లో ఉన్న ఏడు రోడ్ల కూడలి దగ్గర రోడ్డుపై ఒక చీర పడి ఉంది. ఇక అక్కడికి చేరుకున్న వానరం తనకు నచ్చిన రీతిలో చీరను చుట్టుకుంటుంది. అంతేకాదు భారతీయ సాంప్రదాయం లాగానే ఏకంగా చీరను తలపై కప్పుకుంది. అంతటితో ఆగకుండా ఎంతో వయ్యారాలు పోయింది ఆ కోతి. ఇక చీరకట్టులో ఎన్నో సిగ్గులొలికించింది. ఇలా చీరకట్టులో కోతి వయ్యారాలు పోతూ సిగ్గుపడుతూ ఉండటం మాత్రం అందరినీ ఆకర్షించింది. దీంతో అక్కడున్న వారు ఈ కోతి చేష్టలను క్లిక్ మనిపించి సోషల్ మీడియాలో పోస్ట్ చేయడంతో ఈ ఫొటోలు వైరల్ గా మారిపోయాయి.
