- త్వరలో మాజీ మంత్రి,
వైఎస్ భక్తుడు కోండ్రు మురళి జంప్
- మారుతున్న సమీకరణలు
- ఎవరు ఎటువైపో తేలక తికమక
- కళాకు మైనస్ అచ్చెన్నకు ప్లస్
- మారుతున్న రాజాం రాజకీయం
మా శ్రీకాకుళం జిల్లాలో కులాల కుంపట్లు రగులుతున్నాయి. ఎచ్చెర్ల, రాజాం, పాలకొండ రాజకీయాలను శాసించే మాజీ మంత్రి కళా వెంక్రటావుకు మరొక కష్టం వచ్చిపడనుంది. అవును ! కళా కు వ్యతిరేకంగా పావులు కదుపుతున్న వర్గం అంతా ఇప్పుడు వైసీపీకి చేరిపోనుంది. ఆ విధంగా కళాను ఎప్పటి నుంచో వ్యతిరేకిస్తున్న అచ్చెన్నకు ఈ పరిణామం ఓ ప్లస్..అదే విధంగా కళాకు మైనస్. వాస్తవానికి ఎప్పటినుంచో ఎచ్చెర్ల నియోజకవర్గం పై పట్టు పెంచుకునేందుకు అచ్చెన్న వర్గం ప్రయత్నిస్తోంది. ఎర్రన్న భక్తుడు అయిన రణ స్థలం నేత కలిశెట్టి అప్పల నాయుడు ఎమ్మెల్యే అభ్యర్థిగా ఎదిగేందుకు పావులు కదుపుతున్నారు.