రక్షణ అవసరాల కోసం ఉద్దేశించిన భూమిని వాణిజ్య ప్రయోజనాల కోసం ఉపయోగించడాన్ని ఆ దేశ చట్టం అనుమతించదని, సాయుధ బలగాల వ్యూహాత్మక వినియోగం ముగిసిన తర్వాత ఆ భూమిని ప్రభుత్వానికి తిరిగి ఇవ్వాలని పాకిస్థాన్ సుప్రీంకోర్టు మంగళవారం ఆదేశించింది. ర‌క్షణ అవసరాల కోసం కేటాయించిన భూమిలో కమర్షియల్‌ ప్రాపర్టీల నిర్మాణానికి సంబంధించిన వ్యాజ్యాన్ని విచారిస్తున్న సందర్భంగా సుప్రీంకోర్టు ఈ మేరకు పేర్కొంది. చీఫ్ జస్టిస్ గుల్జార్ అహ్మద్, జస్టిస్ ఖాజీ మహ్మద్ అమీన్ నేతృత్వంలోని త్రిసభ్య ధర్మాసనం మరియు జస్టిస్ ఇజాజుల్ అహ్సన్ కేసును విచారిస్తున్నారు.



ప్రభుత్వ భూమిలో వాణిజ్య కార్యకలాపాలు నిర్వహిస్తున్నందుకు సైన్యాన్ని కోర్టు ప్రశ్నించింది. వాణిజ్య కార్యకలాపాలలో సైన్యం నిమగ్నమవ్వడాన్ని "రాజ్యాంగ విరుద్ధం మరియు చట్టవిరుద్ధం" అని అభివర్ణించింది. "ఈ భూములను రక్షణ అవసరాల కోసం ఉపయోగించకపోతే, వాటిని ప్రభుత్వానికి తిరిగి ఇవ్వాలి" అని ఈ భూములకు ప్రభుత్వమే యజమాని అని అత్యున్నత న్యాయమూర్తి అన్నారు. సినిమా థియేటర్లు, కళ్యాణ మండపాలు, పెట్రోల్ పంపులు, హౌసింగ్ సొసైటీలు, షాపింగ్ మాల్స్ రక్షణ దళాల ఆధీనంలో ఉన్న భూమిలో నిర్మిస్తున్నారని ప్రధాన న్యాయమూర్తి గమనించారు. "ఇవి రక్షణ సంబంధిత లక్ష్యాలు కావు" అని ఆయన పునరుద్ఘాటించారు.


 ఈ పద్ధతి దేశవ్యాప్తంగా కంటోన్మెంట్ బోర్డు భూములలో కొన‌సాగుతోంది. రక్షణ భూముల్లో నిర్మించిన ఇళ్లను రూ.100 మిలియన్లకు విక్రయిస్తున్నట్లు తెలిపారు. భూమిని వెనక్కి తీసుకున్నందుకు ప్రతిఫలంగా ఈ చెల్లింపులు ఎవరు చేస్తారు అని సుప్రిం కోర్టు ప్ర‌శ్నించింది. రక్షణ కార్యదర్శి లెఫ్టినెంట్ జనరల్ (రిటైర్డ్) మియాన్ మొహమ్మద్ హిలాల్ హుస్సేన్ సమర్పించిన నివేదికపై అసంతృప్తిని వ్యక్తం చేస్తూ, "అక్రమంగా నిర్మించిన భవనాలను కూల్చివేసినట్లు జనరల్ సాహిబ్ పేర్కొన్నారు, అయితే అవి ఇప్పటికీ అలాగే ఉన్నాయి.ష‌ ప్రతి కంటోన్మెంట్ భూమి ప్రయోజనాలను గుర్తిస్తూ నాలుగు వారాల్లోగా వివరణాత్మక నివేదిక సమర్పించాలని రక్షణ కార్యదర్శిని కోర్టు ఆదేశించింది.

మరింత సమాచారం తెలుసుకోండి:

Paloji Vinay

01/12/2021 12:30 PM