మరోవైపు దేశంలోని అన్ని రాష్ట్రాల దగ్గర కూడా దాదాపు 21.50 కోట్ల వరకు వ్యాక్సిన్ డోసులు అందుబాటులో ఉన్నాయని కేంద్ర వైద్య ఆరోగ్య శాఖ వెల్లడించింది. ప్రస్తుతం ఓమిక్రాన్ వైరస్ భయం ప్రతి ఒక్కరిలో ఉందని... అందుకోసం వ్యాక్సినేషన్ పైనే ప్రత్యేకంగా ఫోకస్ పెట్టినట్లు కేంద్ర ప్రభుత్వ అధికారులు వెల్లడించారు. వ్యాక్సిన్లు వేయించుకునేందుకు విముఖత చూపించే వారికి కౌన్సిలింగ్ ఇచ్చి... డోస్ తీసుకునేలా అధికారులు ప్రయత్నిస్తున్నారు. నిన్న ఒక్క రోజే బీహార్‌లో 15 లక్షలు, తమిళనాడులో 14.80 లక్షలు, రాజస్థాన్‌లో 11 లక్షలు, ఉత్తర ప్రదేశ్ రాష్ట్రంలో పదిన్నర లక్షల మందికి వ్యాక్సిన్ డోసు వేశారు. ఇప్పటికే దేశంలో దాదాపు 85 శాతం మంది సీనియర్ సిటిజన్స్‌ తొలి డోసు పూర్తి కాగా... 51 శాతం మంది రెండు డోసులు తీసుకున్నారు. ప్రస్తుతం దేశంలోని 30 జిల్లాలోనే కేసుల సంఖ్య పెరుగుతున్నాయని కేంద్రం ఆందోళన వ్యక్తం చేసింది. తమిళనాడు, కేరళ, కర్ణాటక, ఒడిశా, మిజోరాం, జమ్ము రాష్ట్రాలకు కేంద్రం ఇప్పటికే వార్నింగ్ కూడా ఇచ్చేసింది.
