ఎప్పుడు ఇరాన్ పై ఆంక్షలు పెడుతూ వస్తున్న అమెరికా కూడా ఎన్నో అణు ఆయుధాలను పలు భూగర్భ ప్రాంతాలలో నిల్వచేసిన విషయం ప్రపంచానికే తెలుసు. అయినా తనను మరో దేశం మించిపోకూడదని ఇరాన్ పై ఆంక్షలు పెడుతూనే ఉంది. ఒకప్పటి గల్ఫ్ యుద్ధంలో ఇదే అమెరికా ఇరాన్ తరపున యుద్ధం చేసింది. అప్పటి నుండి దానికి ఉన్న శక్తియుక్తులను గ్రహించి, ఆంక్షలు పెడుతూనే ఉంది. తాజాగా చైనా కూడా అమెరికాను మించిపోయేంతగా అణు ఆయుధాలను నిల్వచేస్తున్నట్టుగా శాటిలైట్ చిత్రాల ద్వారా స్పష్టం చేసింది. తాము చేసిన నిల్వల గురించి మాట్లాడారు కానీ, ఇతర దేశాల మీద ఆంక్షలు పెట్టడంలో మాత్రం వీళ్లు ముందు ఉంటారు. అలాగని ఇరాన్ కు పూర్తి స్వేచ్ఛ ఇవ్వాలని కాదు, ముందు తాము మానుకొని, పక్క వాళ్లకు నియంత్రణ గురించి సలహాలు ఇస్తే బాగుంటుంది అనేది ఆయా దేశాలకు తెలియాల్సిన కనీస విజ్ఞత.
ప్రస్తుతం మరోసారి ఇరాన్ తనపై ఆంక్షలు ఎత్తివేయాలని యూరోపియన్ దేశాలను కోరుతుంది. అందుకు వాళ్ళు ఇప్పటికే యురేనియం శుద్ధి చేసుకున్నది ఎక్కడ ఉంచబడింది చెప్పటంలేదు, మరి ఇప్పుడు అసలుకే ఆంక్షలు ఎత్తివేస్తే ఇంకెన్ని అణు ఆయుధాలు సిద్ధం చేస్తారో అనే ఉద్దేశ్యంతో, నమ్మకం లేదని సూటిగా చెప్పేశాయి ఆ దేశాలు. తాజాగా అమెరికా తో గిల్లికజ్జాలు ఆడుతున్న చైనా, ఇరాన్ తో ముందుకు వెళ్ళడానికి సిద్ధం అవుతుంది. బహుశా అది అణు సంబంధిత ఒప్పందాలే అయిఉంటాయి. అందుకే మరోసారి ఆంక్షలు ఎత్తివేయాలని ఇరాన్ కోరుతుండవచ్చు. చైనా తన అణు సామర్ధ్యాన్ని ఇంకా పెంచుకునేందుకు ఇలా పావును కదుపుతోందా అన్న అనుమానము ఈ సందర్భంగా రేకెత్తడం సహజం.