తాజాగా మునుగోడు లో ప్రచారాన్ని నిర్వహిస్తున్న రాజగోపాల్ రెడ్డి మాట్లాడుతూ వ్యవసాయ మోటార్ లకు మీటర్లు పెట్టడం వలన నష్టం ఏమిటి అంటూ అడిగారట. ఇలా చేయడం వలన ఎవరు ఎంత విద్యుత్తును వాడుతున్నారు అన్నది తెలుస్తుంది అంటూ చెప్పారట రాజగోపాల్ రెడ్డి. అయితే ఇది రైతులకు ఆవేశాన్ని తెప్పించే అవకాశం లేకపోలేదు. ఎందుకంటే... అధికార ప్రభుత్వం వ్యవసాయ మోటర్లకు విద్యుత్ మీటర్లు పెడితే రైతుల ప్రాణాలు తీసినట్లేనని పదే పదే చెబుతున్నారు, కాగా కాంగ్రెస్ పార్టీ సైతం మీటర్ లు పెట్టడం కరెక్ట్ కాదు అంటోంది.
అలాంటిది అది మరచి బీజేపీ నాయకుడు ఇలా ఎదురు రైతులనే ప్రశ్నించడం వలన మొదటికే మోసం వస్తుందని రాజకీయ విశ్లేషకులు అభిప్రాయపడుతున్నారు. కేంద్రం మోటార్ లకు మీటర్లు పెట్టమని ఆదేశించినా.. స్థానికంగా ఉన్న సమస్యలను అర్ధం చేసుకుని వ్యవహరించాలి. మనము వారి ఓట్లు కావాలనుకుంటే వారికి నచ్చిన విదంగా మాట్లాడాలి తప్ప... అనవసర ప్రశ్నలు వేసి సెల్ఫ్ గోల్ వేసుకోకూడదని ట్రోల్స్ చేస్తున్నారు. అయితే దీని ప్రభావము ఎన్నికల్లో ఏ విధంగా ఉంటుంది అనేది తెలియాల్సి ఉంది.
