ఎన్నో ప్రాంతాలలో అందరిని ఆశ్చర్యపరిచే ఆచారాలు జనాలు పాటిస్తూ ఉంటారు అని చెప్పాలి. ఇక ఇప్పుడు ఇలాంటి ఆచారం గురించిన ఒక వార్త సోషల్ మీడియాలో వైరల్ గా మారిపోయింది. సాధారణంగా ఎక్కడికైనా వెళ్తున్నప్పుడు పిల్లి ఎదురుగా వచ్చింది అంటే చాలు ప్రతి ఒక్కరు కూడా ఆశుభంగా భావిస్తూ ఉంటారు అని చెప్పాలి. అదే నల్ల పిల్లి ఎదురుగా వస్తే ఏదో కీడు జరగబోతుంది అని ఎంతోమంది అనుకుంటూ ఉంటారు. ఈ క్రమంలోనే పిల్లి ఇలా ఎదురుగా వచ్చినప్పుడు ఇంట్లోకి వెళ్లి నీళ్లు తాగి కాసేపు కూర్చొని మళ్లీ ఇక బయలుదేరడం లాంటిది కూడా దాదాపు అందరూ చేస్తూ ఉంటారు.
అయితే ఇక్కడ ఉన్న జనాలు మాత్రం పెళ్లి ఎదురు వస్తే అశుభం అనుకోవడం కాదు ఏకంగా పిల్లినే దేవతగా పూజిస్తూ ఉన్నారు అని చెప్పాలి. కర్ణాటకలోని మండ్య జిల్లాలో ఈ సాంప్రదాయం కొనసాగుతుంది. బొక్కలేలే అనే గ్రామ ప్రజలు పిల్లిని దేవత అవతారం అని నమ్ముతూ పూజలు చేస్తున్నారు. పూర్వం ఈ గ్రామంలో దుష్టశక్తులు బీభత్సం సృష్టించాయట. ఈ క్రమంలోనే దేవి మాత మంగమ్మ పిల్లి రూపంలో వచ్చి దుష్ట శక్తులను తరిమి కొట్టిందని.. అక్కడి ప్రజలు నమ్ముతూ ఉంటారు. ఇక అప్పటినుంచి పిల్లిని పూజించడం ఆ గ్రామంలో ఆనవాయితీగా వచ్చిందట.
