జగన్ కత్తి వేటు నుంచి తప్పించుకున్న శిద్ధా రాఘవరావు ఇదేమి టైటిల్ అని షాక్ అవుతున్నారా ? ఎస్ ఇది నిజమే శిద్ధా రాఘ‌వ‌రావు మాజీ  మంత్రి... ఉమ్మడి ప్రకాశం జిల్లాలో మంచి పేరున్న రాజకీయ నేత. గత రెండు దశాబ్దాలుగా తెలుగుదేశం పార్టీలో కొనసాగుతూ వస్తున్న ఆయన ఆ పార్టీ నుంచి ఒకసారి ఒంగోలు అసెంబ్లీకి పోటీ చేసి ఓడిపోయారు. తర్వాత ఎమ్మెల్సీ అయ్యారు. 2014లో దర్శి నుంచి ఎమ్మెల్యేగా గెలిచి ఐదేళ్లపాటు చంద్రబాబు ప్రభుత్వంలో మంత్రిగా కూడా పనిచేశారు. 2019 ఎన్నికలలో బాబు కోరిక మేరకు ఒంగోలు పార్లమెంటుకు పోటీ చేసి ఓడిపోయారు. చంద్రబాబు - టీడీపీతో రాఘవరావు ఆయన కుటుంబానికి మంచి అనుబంధం ఉంది.


అయితే 2019 ఎన్నికలలో ఓటమి తర్వాత వైసీపీ ప్రభుత్వ దాడులు తట్టుకోలేక అయిష్టంగానే ఆ పార్టీ కండువా కప్పుకున్నారు. ఈ ఎన్నికలలో సిద్ధ రాఘవరావును జగన్ అద్దంకి నుంచి గొట్టిపాటి రవికుమార్ మీద పోటీ చేయించాలని విశ్వ ప్రయత్నాలు చేశారు. వాస్తవంగా సిద్ధ కుటుంబం తమకు దర్శి లేదా ఏదో ఒక అసెంబ్లీ సీటు ఇస్తుందని ఆశలు పెట్టుకుంది. జగన్ మాత్రం పోటీ చేస్తే గొట్టిపాటి మీదే పోటీ చేయాలి ... మీరు ఆర్థికంగా బలంగా ఉన్నారు అద్దంకిలో మనకు బలమైన అభ్యర్థి కావాలి అని సిద్ధ కుటుంబం మీద ఒత్తిడి చేశారు. అయితే అద్దంకిలో పోటీ చేసేందుకు సిద్ధ కుటుంబం ఎంత మాత్రం ఇష్టపడలేదు.


దీంతో ఎక్కడో గుంటూరు జిల్లా నుంచి హనీమీ రెడ్డి అనే పారిశ్రామిక వేత్త‌ను తీసుకువచ్చి అక్కడ పోటీకి పెట్టారు. ఎన్నికలలో హనీమిరెడ్డి చిత్తుచిత్తుగా ఓడిపోయారు. ఒకవేళ అక్కడ సిద్దా కుటుంబ పోటీ చేసి ఉంటే చిత్తుచిత్తుగా ఓడిపోవడంతో పాటు కోట్ల రూపాయలు నష్టపోవాల్సి వచ్చేది. అలా జగన్ కత్తివేటు బలి నుంచి సిద్ధ కుటుంబం చాలా తెలివిగా తప్పించుకుందనే చెప్పాలి. ఇక ఇప్పుడు సిద్ధ వైసిపికి రాజీనామా చేసిన సంగతి తెలిసిందే. ఆయన అడుగులు ఇప్పుడు తిరిగి టిడిపి వైపు పడుతున్నాయి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

RAMAKRISHNA S.S.

11/08/2024 12:52 PM