చంద్రబాబు చేసే కొన్ని వ్యాఖ్యలు నిజంగా బాబు గారికి మైండ్ పని చేస్తుందో లేదా .. లేక అధికార దాహం ఈ రేంజ్ లో ఉందా అన్న సందేహం రాక మానదు. ప్రజలు రివర్స్ ఎన్నికలు కోరుకుంటున్నారని మీడియా ముందుకు వచ్చి చెప్పారు. జగన్ కు చంద్రబాబుకు మధ్య సీట్ల తేడా ఏ 20 లేదా 30 లేవు. జగన్ విజయం అఖండ విజయం. చంద్రబాబుది ఘోర పరాజయం. మరీ కేవలం వంద రోజుల్లోనే ప్రజలు ఎన్నికలు కావాలనుకొని బాబు గారిని ఎందుకు ఎంచుకుంటారు. బాబు గారిని భరించలేకే కసితో జనాలు ఓట్లేసి జగన్ ను గెలిపించారు. కానీ చంద్రబాబు తాజా వ్యాఖ్యలు చూస్తుంటే ఇంకా అధికార వ్యామోహం పోలేదని తేటతెల్లమవుతుంది.
2019 సార్వత్రిక ఎన్నికల్లో టీడీపీని ప్రధానంగా దెబ్బ తీసిన వాటిల్లో ఒకటి గ్లోబల్ ప్రచారం. అబద్దాన్ని నిజం చేయడం .. దానికి పచ్చ మీడియా అబ్బో ఓహో అంటూ డప్పు కొట్టడం. పూర్తి చేయని హామీలను 90 శాతం పూర్తి చేశామని చెప్పడం ఇవన్నీ ప్రజలకు చిరాకు తెప్పించాయి. ప్రజలను ఎలాగైనా మోసం చేసి మీడియా అండతో ఎన్నికలో బాబు గారు గెలవాలని ప్లాన్ చేశారు. కానీ చివరికి 30 ఏళ్లలో ఎన్నడూ చూడని పరాజయాన్ని చవి చూశారు.
