అయితే ఐపీఎస్ కోడ్ ఆఫ్ కండక్ట్ లెవల్ -1 అఫెన్స్ 2.2 రూల్ ప్రకారం దినేష్ కార్తీక్ చేసిన పని క్రీడాస్ఫూర్తికి పూర్తిగా విరుద్ధం. మ్యాచ్ అనంతరం తన నేరాన్ని కార్తీక్ కూడా అంగీకరించాడు. అయితే దినేష్‌పై చర్యలు తీసుకునే అధికారం మాత్రం మ్యాచ్ రిఫరీకే ఉంటుందని ఐపీఎల్ యాజమాన్యం వెల్లడించింది. ఇప్పటికే జరిమానాకు గురైన కోల్‌కతా కెప్టెన్... మ్యాచ్ రిఫరీ విధించే శిక్షకు కూడా కట్టుబడి ఉండాల్సిందే. లెవల్ -1 అఫెన్స్ 2.2 రూల్ ప్రకారం నియమావళి ఉల్లంఘించిన ఆటగాళ్లపై నిషేధం వేటు పడే ఛాన్స్ ఉంది. ఇప్పుడు కార్తీక్ చేసిన పని కూడా ఇలాంటిదే. కార్తీక్ చేసిన తప్పును రిఫరీ సీరియస్‌గా తీసుకుంటే... కార్తీక్‌పై మ్యాచ్ నిషేధం వేటు పడే అవకాశం ఉంది. ఎందుకంటే.. గతంలో కూడా ఇలాంటి శిక్షలను ఐపీఎల్‌లో రెండు సార్లు విధించారు. దీంతో దినేష్‌పై కూడా మ్యాచ్ నిషేధం వేటు తప్పదని అంతా భావిస్తున్నారు. దీంతో ఫైనల్ మ్యాచ్‌లో దినేష్ కార్తీక్ ఆడటం దాదాపు అనుమానమే. అసలే సూపర్ ఫామ్‌లో చెన్నై సూపర్ కింగ్స్‌తో మ్యాచ్ ముందు ఇలాంటి ఎదురుదెబ్బ తగలడం కోల్‌కతాకు గట్టి షాక్ అనే తెలుస్తోంది.
