ఇక ఈ ఐపీఎల్ 2021 లో సూపర్ స్ట్రైకర్స్ ఆఫ్ ది సీజన్ స్థానంలో వెస్టిండీస్ ఆటగాడు షిమ్రాన్ హెట్మైర్ 168 స్ట్రైక్ రేట్ తో నిలిచాడు. అలాగే క్యాచ్ ఆఫ్ ది సీజన్ గా పంజాబ్ కింగ్స్ ఆటగాడు రవి బిష్ణోయ్ ఉన్నాడు. అహ్మదాబాద్ లో జరిగిన మ్యాచ్లో బిష్ణోయ్ సునీల్ నరైన్ క్యాచ్ ను డీప్ మిడ్ వికెట్ లో అద్భుతంగా అందుకున్నాడు. ఇంకా ఈ ఏడాది ఫైర్ ప్లే అవార్డును రాజస్థాన్ రాయల్స్ జట్టు సొంతం చేసుకుంది. ఇక ఎమర్జింగ్ ప్లేయర్స్ ఆఫ్ ది సీజన్ గా చెన్నై సూపర్ కింగ్స్ ఓపెనర్ రుతురాజ్ గైక్వాడ్ ఉన్నాడు. మరియు ఈ ఏడాది అత్యధిక ఫోర్లు కొట్టిన ఆటగాడు కూడా గైక్వాడ్. 16 మ్యాచుల్లో 64 ఫోర్లు బాదేశాడు ఈ చెన్నై సూపర్ కింగ్స్ యువ ఓపెనర్. అలాగే ఈ ఏడాది ఇండియన్ ప్రీమియర్ లీగ్ లో అత్యధిక బౌండరీలు బాదిన ఆటగాడు కూడా ఇతడే. ఈ ఐపీఎల్ లో మొత్తం 87 బౌండరీలు బాదేశాడు రుతురాజ్ గైక్వాడ్.
