ఇక వచ్చే ఏడాది జనవరి 3 నుంచి 7వ తేదీ వరకు జోహన్నెస్ బర్గ్‌ వేదికగా రెండో టెస్టు జరుగుతుంది. 11వ తేదీ నుంచి 15వ తేదీ మధ్య జరిగే మూడో టెస్టు మ్యాచ్‌కు కేప్ టౌన్ వేదిక కానుంది. ఆ తర్వాత మూడు మ్యాచ్‌ల వన్డే సిరీస్ ప్రారంభం అవుతుంది. జనవరి 19, 21, 23 తేదీల్లో వన్డే మ్యాచ్‌లు జరుగనున్నాయి. తొలి రెండు వన్డేలకు పార్ల్‌ సిటీ స్టేడియం వేదిక కానుంది. చివరి వన్డే కేప్ టౌన్‌లో జరగనుంది. భారత్ జట్టు తమ హిస్టరీలో కేవలం దక్షిణాఫ్రికాలో మాత్రమే టెస్టు సిరీస్ గెలుచుకోలేదు. టెస్టు హోదా అన్ని దేశాల్లో కూడా సిరీస్ గెలుచుకుంది. కోహ్లీ సేన ఈ సారి అయినా ఆ లోటు భర్తీ చేస్తుందని క్రికెట్ అభిమానులు భావిస్తున్నారు. టీ 20 కెప్టెన్సీ బాధ్యతల నుంచి తప్పుకున్న కోహ్లీ.. ఈ పర్యటనలో టెస్టు, వన్డే సిరీస్‌కు కెప్టెన్‌గా వ్యవహరిస్తున్నారు. అయితే వన్డే సారధ్య బాధ్యతలు కూడా రోహిత్ శర్మకు అప్పగించాలనే డిమాండ్ వినిపిస్తోంది ఇప్పుడు. మరి సిరీస్ ముందు బీసీసీఐ ఎలాంటి నిర్ణయం తీసుకుంటుందో వేచి చూడాల్సి ఉంది.
