దీంతో మొదటి టెస్ట్ మ్యాచ్లో ఆతిథ్య సౌత్ ఆఫ్రికా జట్టుపై ఆధిపత్యం సాధించి భారీ పరుగుల తేడాతో విజయం సాధించింది. దీంతో టీమిండియా అభిమానులందరూ ఎంతగానో మురిసిపోయారు. ఇక ఇదే జోరు కొనసాగిస్తూ రెండవ టెస్ట్ మ్యాచ్లో కూడా విజయం సాధించాలని అనుకుంది టీమిండియా. ఇక టీమిండియాకు ఎంతో కలిసివచ్చే జోహన్నెస్బర్గ్ వేదిక రెండవ టెస్ట్ మ్యాచ్ జరుగుతూ ఉండడంతో టీ మీడియా కు తిరుగులేదు అని అందరూ అనుకున్నారు. కానీ మొదటి మ్యాచ్లో ఓటమి పాలై కసితో ఉన్న సౌత్ ఆఫ్రికా జట్టు టీమిండియాకు రెండో టెస్టులో షాక్ ఇచ్చింది.
ఎన్నో ఆశలతో సౌత్ ఆఫ్రికా టెస్టు సిరీస్లో బరిలోకి దిగిన టీమిండియా కు ఎదురుదెబ్బ తగిలింది.రెండవ టెస్ట్ మ్యాచ్లో చివరికి ఓటమి తో సరిపెట్టుకోవాల్సి వచ్చింది టీమిండియా. ఏడు వికెట్ల తేడాతో సౌత్ ఆఫ్రికా జట్టు టీమిండియాపై ఘన విజయం సాధించింది. కెప్టెన్ ఎల్గర్ 96 పరుగులు తో రాణించి జట్టుకు విజయాన్ని అందించాడు. భారత్ స్కోర్ 202, 266.. కాగా సౌత్ ఆఫ్రికా 229, 243/3 పరుగులు చేసి విజయం సాధించింది. ఇక ఇరు జట్లు చెరో టెస్టు మ్యాచ్లో గెలవడంతో ప్రస్తుతం 1-1 సిరీస్ సమంగా కొనసాగుతోంది. దీంతో మూడో టెస్ట్ మరింత ఉత్కంఠభరితంగా మారిపోయింది. జనవరి 11వ తేదీన మూడో టెస్టు ప్రారంభం కాబోతుంది.
