ఈ ఏడాది ఐపీఎల్ లోకి కొత్తగా ఎంట్రీ ఇచ్చిన లక్నో జట్టు విజయవంతమైన ప్రస్థానాన్ని కొనసాగిస్తుంది. ఒకప్పుడు కె.ఎల్.రాహుల్ కు కెప్టెన్సీ చేతకాదు అని విమర్శించిన వాళ్ళ నోళ్ళు మూయిస్తూ లక్నో జట్టును విజయపథంలో ముందుకు నడిపిస్తున్నాడు కేఎల్ రాహుల్. ఇక ఇప్పుడు పాయింట్స్ టేబుల్ లో టాపర్ గా కొనసాగుతుంది లక్నో జట్టు. అయితే లక్నో జట్టు తరఫున ఎంతమంది యువ ఆటగాళ్లు కూడా అదరగొడుతున్నారు అని చెప్పాలి. ఈక్రమంలోనే మోసిన్ ఖాన్ అనే యువ బౌలర్ కి ఆలస్యంగానే అవకాశం దక్కింది. కానీ వచ్చిన అవకాశాన్ని ఎంతో అద్భుతంగా వినియోగించుకున్నాడు సదరు బౌలర్.
మోసిన్ ఖాన్ ఆడిన చివరి ఐదు మ్యాచ్ లలో అద్భుతమైన గణాంకాలు నమోదు చేశాడు అని చెప్పాలి. 5 మ్యాచ్ లలో 10 వికెట్లు తీయడంతో పాటు ఒక్క మ్యాచ్లో కూడా 27 పరుగుల కంటే ఎక్కువ రన్స్ ఇవ్వలేదు అని చెప్పాలి. అంతేకాదు రెండు మెయిడిన్ ఓవర్లు కూడా వేయడం గమనార్హం. ఇక ఒక మ్యాచ్ లో అయితే 3 ఓవర్లలో కేవలం ఆరు పరుగులు మాత్రమే ఇచ్చి ఒక వికెట్ తీశాడు. ఇక ఆరంభంలోనే వికెట్లు తీస్తూ ప్రత్యర్థి జట్టును కష్టాల్లో పడేస్తున్నాడు మోసిన్ ఖాన్. అతని ప్రతిభతో అటు లక్నో జట్టులో తన స్థానాన్ని సుస్థిరం చేసుకున్నాడు అని చెప్పడంలో అతిశయోక్తి లేదు..