ఇటీవలి కాలంలో అటు క్రీడా కారులు కూడా సినిమా రంగం పైనే ఎక్కువగా ఆసక్తి చూపుతూ ఉండటం గమనార్హం. మొన్నటికి మొన్న భారత క్రికెట్ లో ఎనలేని గుర్తింపును సంపాదించుకున్న మహేంద్ర సింగ్ ధోనీ సినిమా రంగం లోకి ఎంట్రీ ఇస్తున్నాడు అన్న విషయం తెలిసి అభిమానులు కూడా ఎంతగానో మురిసి పోయారూ. అయితే నటుడిగా కాదు నిర్మాతగా ధోని ఎంట్రీ ఇచ్చాడు అన్న విషయం తెలిసిందే. ఏకంగా ఒక ప్రొడక్షన్ హౌస్ స్థాపించి తమిళ సినిమాలు నిర్మించాలని నిర్ణయించు కున్నారు.


 ధోని నిర్మించబోయే సినిమా లో నయనతార హీరోయిన్ గా నటిస్తుంది అన్న టాక్ కూడా వినిపించింది. ఇక ఇప్పుడు మరో స్టార్ క్రికెటర్ అటు సినిమాల్లోకి రాబోతున్నాడు అన్న ఒక వార్త వైరల్ గా మారి పోయింది. అయితే ఈ క్రికెటర్ మాత్రం నిర్మాతగా కాదు ఏకంగా నటుడిగానే ఎంట్రీ ఇవ్వ బోతున్నాడట. ఆ స్టార్ క్రికెటర్ ఎవరో కాదు ప్రస్తుతం టీమిండియా లో డేరింగ్ ఓపెనర్గా ఎంతగానో గుర్తింపు సంపాదించుకున్న శిఖర్ ధావన్. శిఖర్ ధావన్ త్వరలో బాలీవుడ్లో ఓ సినిమాలో నటుడిగా ఎంట్రీ ఇవ్వబోతున్నాడు.


 దీనికి సంబంధించిన వార్త కాస్త ప్రస్తుతం సోషల్ మీడియా లో తెగ చక్కర్లు కొడుతోంది. ప్రస్తుతం అక్షయ్ కుమార్ రామసేతు అనే సినిమాలో నటిస్తున్నాడు అన్న విషయం తెలిసిందే. ఈ సినిమాలోని కీలక పాత్ర లో శిఖర్ ధావన్ కనిపించ బోతున్నాడట. ఇక శిఖర్ధావన్ పాత్ర ఈ సినిమా లో ఎంతో కీలకమైనదని.. ఆయన పాత్ర మీదే సినిమా కథ ఆధారపడి ఉంటుందని తెలుస్తోంది. ఇక ఈ పాత్రకి శిఖర్ ధావన్ అయితేనే కరెక్టుగా సరి పోతాడు అని చిత్రబృందం భావించిందట. అందుకే అతని తీసుకుంటున్నారట. ఇది ఎంతవరకు నిజం అన్నది మాత్రం అఫీషియల్ ప్రకటన వచ్చే వరకు తెలియదు..

మరింత సమాచారం తెలుసుకోండి: