ఇకపోతే ఇటీవల లక్నో సూపర్ జెయింట్స్ కోల్కతా నైట్రైడర్స్ మధ్య మ్యాచ్ జరిగింది అన్న విషయం తెలిసిందే. ఈ మ్యాచ్లో భాగంగా లక్నో సూపర్ జెయింట్స్ జట్టు ఓపెనర్లు క్వింటన్ డికాక్,కేఎల్ రాహుల్ ఐపీఎల్ చరిత్రలోనే సరికొత్త రికార్డు క్రియేట్ చేశారూ. పదిహేనేళ్ల ఐపీఎల్ హిస్టరీ లో అత్యధిక భాగస్వామ్యం నెలకొల్పిన ఓపెనింగ్ జోడీగా సరికొత్త రికార్డును సృష్టించాడు అని చెప్పాలి. ఇటీవలే కోల్కతా నైట్రైడర్స్ మ్యాచ్ లో సందర్భంగా వీరిద్దరూ కలిసి 210 పరుగుల భాగస్వామ్యాన్ని నమోదు చేశారు.
క్వింటన్ డీకాక్ 70 బంతుల్లోనే 140 పరుగులతో వీరవిహారం చేస్తే ఇక కె.ఎల్.రాహుల్ 51 బంతుల్లో 68 పరుగులు చేసి క్వింటన్ డికాక్ కు మంచి మద్దతు అందించాడు అన్నది తెలుస్తుంది. అంతకుముందు విరాట్ కోహ్లీ దేవదత్త పడిక్కాల్ చేసిన 181 పరుగుల ఓపెనింగ్ భాగస్వామ్యం అత్యధికంగా కొనసాగుతుంది. ఇటీవల క్వింటన్ డికాక్ కె.ఎల్.రాహుల్ ఇద్దరు ఓపెనర్లు కూడా ఈ రికార్డును బద్దలు కొట్టారూ అని చెప్పాలి. ఓవరాల్గా ఐపీఎల్ హిస్టరీ లోనే ఏ వికెట్ కైనా సరే ఇది మూడవ అత్యధిక భాగస్వామ్యం కావడం గమనార్హం. ఈ మ్యాచ్లో ఘన విజయం సాధించిన లక్నో ప్లే ఆఫ్ లో అడుగుపెట్టింది..