ప్రస్తుతం రాయల్ చాలెంజర్స్ బెంగళూరు జట్టు పాయింట్ల పట్టికలో నాలుగో స్థానంలో కొనసాగుతోంది. కానీ బెంగళూరు జట్టు ప్లే ఆఫ్ లో అడుగుపెట్టాలంటే అటు ముంబై ఇండియన్స్ ఢిల్లీ క్యాపిటల్స్ పై విజయం సాధించాలి. ఎందుకంటే ప్రస్తుతం బెంగళూరు రన్ రేట్ -0.253 గా ఉంది ఢిల్లీ 0.255 గా ఉంది. ప్రస్తుతం 14 మ్యాచ్ లలో బెంగుళూరు ఎనిమిది విజయాలు సాధించగా.. అదే సమయంలో 7 విజయాలతో ఐదవ స్థానంలో ఉంది ఢిల్లీ క్యాపిటల్స్. ఇక ముంబై తో జరగబోయే మ్యాచ్ లో ఢిల్లీ ఎనిమిదో విజయం సాధిస్తే బెంగళూరు జట్టు ఇంటి బాట పట్టాల్సిందే.
ఈ క్రమంలోనే రోహిత్ శర్మను విరాట్ కోహ్లీ ఒక కోరిక కోరాడు. ఢిల్లీ క్యాపిటల్స్ పై విజయం సాధించాలని అడిగాడు. తాను ముంబై ఇండియన్స్ అభిమానిగా మారిపోయాను అంటూ తెలిపాడు. తాను మాత్రమే కాదు డుప్లెసిస్ సైతం స్వయంగా ఈ విషయాన్ని వెల్లడించాడు. ఇప్పుడు ముంబై ఇండియన్స్ అభిమానిగా మారిపోయామని రోహిత్ కు తమ పూర్తి మద్దతు ఉంది అంటూ ప్రకటించారు తామిద్దరం మాత్రమే కాకుండా జట్టులోని 25 మంది మద్దతు కూడా ముంబై ఇండియన్స్ గా ఉంటుందని చెప్పుకొచ్చారు. ఈ క్రమంలోనే తన స్నేహితుడు కోహ్లీ కోరికను మన్నించి రోహిత్ కోరిక తీరుస్తాడా లేదా అన్నది ఆసక్తికరంగా మారింది..
