ప్రస్తుతం బెంగళూరు లోని నేషనల్ క్రికెట్ అకాడమీ లో గాయం నుంచి కోరుకుంటున్నాడు కె.ఎల్ రాహుల్. అయితే ఇటీవలే గజ్జల్లో గాయం కావడంతో జర్మనీ వైద్యులు కె.ఎల్.రాహుల్ కు శస్త్రచికిత్స నిర్వహించినట్లు తెలుస్తోంది. ఇక ఈ శస్త్ర చికిత్స ఎంతో విజయవంతంగా పూర్తి చేసారట వైద్యులు. ఈ క్రమంలోనే ప్రస్తుతం అతని ఆరోగ్య పరిస్థితి ప్రస్తుతం కుదుటపడుతున్నట్లు తెలుస్తోంది. ఇకపోతే ఇటీవల ఈ విషయాన్ని తన సోషల్ మీడియా ఖాతాలో తెలుపుతూ త్వరగా కోలుకొని మీ ముందుకు వస్తాను అంటూ ఆస్పత్రి బెడ్ పై ఉన్న ఫోటోని రాహుల్ పోస్ట్ చేశాడు. దీంతో అభిమానులు అందరూ కూడా కె.ఎల్.రాహుల్ త్వరగా కోలుకోవాలి అంటూ ఆకాంక్షిస్తున్నారు అనే చెప్పాలి.
ఇకపోతే అక్టోబర్ నెలలో టి20 వరల్డ్ కప్ జరగబోతున్న నేపథ్యంలో ఇక ప్రస్తుతం ఆటగాళ్ల ప్రదర్శనను పరిగణలోకి తీసుకొని వరల్డ్ కప్ జట్టును ఎంపిక చేయాలని బిసిసిఐ సెలెక్టర్లు భావిస్తున్నారు. ఇలాంటి సమయంలోనే యువ ఆటగాళ్లకు కూడా అవకాశం ఇస్తున్నారు. అయితే గత కొన్ని రోజుల నుంచి అటు సౌత్ ఆఫ్రికా తో టి20 సిరీస్ పాటు ఐర్లాండ్ పర్యటనకు ఇక ప్రస్తుతం ఇంగ్లండ్ పర్యటనకు కూడా కె.ఎల్.రాహుల్ దూరం అయ్యాడు అని చెప్పాలి. ఇలాంటి సమయంలో ఆటకి దూరంగా ఉన్న కేఎల్ రాహుల్ ను పరిగణలోకి తీసుకుంటారా లేదా అన్నది కూడా హాట్ టాపిక్ గా మారిపోయింది.