ఈ క్రమంలోనే చెన్నై సూపర్ కింగ్స్ మ్యాచ్ ఆడుతున్న సమయంలో ఆయన అభిమానులు స్టేడియంలో ఎలా హోరెత్తి పోతూ ఉంటారో ఇప్పటికి ఎన్నో సార్లు చూసాము అని చెప్పాలి. అయితే ఇటీవలే ధోనీ తన 41వ పుట్టినరోజు జరుపుకున్నారు అన్న విషయం తెలిసిందే. దీంతో ఎంతో మంది అభిమానులు తమకు నచ్చిన విధంగా వినూత్నంగా ఇక తమ అభిమాన క్రికెటర్ మహేంద్రసింగ్ ధోని కి పుట్టినరోజు శుభాకాంక్షలు చెప్పారు. బెజవాడ అభిమానులు ఏకంగా నలభై ఒక్క అడుగుల భారీ కటౌట్లు ఏర్పాటు చేసి పుట్టినరోజు వేడుకలు జరుపుకున్నారు. ఇక్కడ ఒక అభిమాని మరింత కొత్తగా బర్త్ డే వేడుకలు జరుపుకున్నారు అని తెలుస్తోంది.
కడలూరు జిల్లా రామనత్తం ఆరం గూరు గ్రామానికి చెందిన గోపికృష్ణ దుబాయ్ లో ఉద్యోగం చేస్తున్నారు. అయితే ఇతను ఇండియా మాజీ కెప్టెన్ మహేంద్ర సింగ్ ధోనీకి వీరాభిమాని. గతంలోనే తన ఇంటిని చెన్నై సూపర్ కింగ్స్ కలర్ పసుపు రంగు కలర్ వేయించి తన అభిమానాన్ని చాటుకున్నాడు. ఇంటి పై మహేంద్ర సింగ్ ధోనీ బొమ్మ కూడా వేయించాడు. ఇటీవల ధోని 41 వ పుట్టినరోజు సందర్భంగా మళ్ళీ ప్రత్యేకతను చాటుకున్నాడు. పసుపు రంగులో ఉన్న ద్విచక్ర వాహనాన్ని కొనుగోలు చేసి ద్విచక్ర వాహనం నెంబర్ కూడా ధోనీ జెర్సీ నెంబర్ 7 కలిసి వచ్చేలా 777 పెట్టుకున్నాడు. ఇది కాస్త ప్రస్తుతం సోషల్ మీడియాలో హాట్ టాపిక్ గా మారిపోయింది.
