ఇక ఇదే సమయంలో మిగిలిన జట్ల పరిస్థితి చూస్తే ఏమంత బాగాలేదు . ఈ టోర్నీలో పాల్గొనే జట్లలో ఇండియా, పాకిస్తాన్, శ్రీలంక, బంగ్లాదేశ్ మరియు ఆఫ్ఘనిస్తాన్ లు ఉన్నాయి. ఇండియాకు పోటీ ఇచ్చే సత్తా ఒక్క పాకిస్తాన్ కు తప్పించి మరే జట్టుకు లేదని స్పష్టంగా అర్దం అవుతోంది. అయితే ఇప్పుడిప్పుడే పడుతూ లేస్తున్న శ్రీలంక ను తక్కువ అంచనా వేయడానికి వీలు లేదు. బంగ్లాదేశ్ జట్టు అయితే ఎప్పుడు ఏ విధమైన ప్రదర్శన చేస్తుందో ఊహించలేము. తనదైన రోజున మాత్రం చెలరేగి ఆడగలదు. ఇక మహమ్మద్ నబీ కెప్టెన్ గా ఉన్న ఆఫ్ఘనిస్తాన్ జట్టు ఇంకా చాలా డెవలప్ కావాల్సి ఉంది.
ప్రస్తుతం అయితే చిన్న చిన్న జట్లను ఓడిస్తూ... చిన్న జట్లకు రారాజుగా ఉంది. మరి ఆసియా కప్ లాంటి టోర్నీలో రాణించాలంటే అంతకు మించిన ఆటతీరును చూపించాలి. ఏ విధంగా చూసుకున్నా ఆసియ కప్ ను గెలిచే సత్తా ఇండియాకు మాత్రమే ఉంది. ఒకవేళ ఏదైనా అద్భుతం జరిగితే తప్పించి ఇండియా కు టైటిల్ పక్కా.
