కానీ కామన్వెల్త్ గేమ్స్ లో ఫైనల్ పోరులో ఆస్ట్రేలియా చేతిలో ఓడిపోయింది భారత మహిళల జట్టు. దీంతో సిల్వర్ మెడల్ తో సరిపెట్టుకుంది అని చెప్పాలి. ఆస్ట్రేలియా చేతిలో ఓడిన చోటే భారత మహిళల జట్టు ఇప్పుడు ఇంగ్లాండ్ పై గెలిచేందుకు సిద్ధమైంది. 3 టీ20 సిరీస్ లో భాగంగా మహిళల జట్టు బరిలోకి దిగేందుకు సిద్ధం అయింది. ప్రస్తుతం భారత మహిళల జట్టు ఇంగ్లండ్ పర్యటన లో ఉంది అన్న విషయం తెలిసిందే. టీ20 సిరీస్ లో భాగంగా నేడు తొలి మ్యాచ్ జరగబోతుంది. అంతర్జాతీయ క్రికెట్లో నిలకడగా రాణిస్తున్న హర్మన్ ప్రీత్ సేన ఫినిషింగ్ లోపాలతో బంగారం లాంటి అవకాశాలు చేజార్చుకుంది అన్న విషయం తెలిసిందే.
బ్యాటింగ్లో అప్పటివరకు మెరుపులు మెరిపించిన భారత క్రీడాకారిణులు ఇక కీలకమైన మ్యాచ్లో మాత్రం బ్యాటింగ్లో చేతులెత్తేయడం ఐసిసి ఈవెంట్లలో పరిపాటిగా మారిపోయింది. ఈ క్రమంలోనే ఇలాంటి పొరపాట్లు పునరావృతం కాకుండా చూసుకుంటామని గతంలో కెప్టెన్ హర్మన్ ప్రీత్ కౌర్ తెలిపింది. కామన్ వెల్త్ గేమ్స్ లో బాగా ఆడాము. కానీ ఇంకా మెరుగవ్వాల్సిన అవసరం ఉంది అంటూ కెప్టెన్ చెప్పుకొచ్చింది. నేడు జరగబోయే మ్యాచ్ లో ఎవరు విజయం సాధిస్తారు అన్నది ఆసక్తికరంగా మారిపోయింది. రాత్రి పదకొండున్నర గంటలకు మ్యాచ్ ప్రారంభం కాబోతుంది అని చెప్పాలి.
