దీంతో ప్రపంచవ్యాప్తంగా ఉన్న క్రికెట్ ప్రేక్షకులు అందరూ కూడా విరాట్ కోహ్లీ పై ప్రశంసల వర్షం కురిపించారు అని చెప్పాలి. అయితే విరాట్ కోహ్లీ మూడవ స్థానంలో బ్యాటింగ్ కు దిగిన సమయం కంటే గత కొంత కాలం నుంచి ఓపెనర్ గానే ఎంతో బాగా రాణిస్తున్నాడు. మంచి పరుగులు కూడా చేపడుతున్నాడు. ఇటీవలే ఓపెనర్గా వచ్చి ఎన్నో రోజులు నిరీక్షణకు తెర దించుతూ ఏకంగా సెంచరీ కూడా చేశాడు. దీంతో టి20 వరల్డ్ కప్ లో కూడా అతని ఓపెనర్ గా పంపిస్తే బాగుంటుందని అభిప్రాయాలు వ్యక్తమవుతున్నాయి. కాగా ఇటీవల ఇదే విషయంపై స్పందించిన టీమిండియా మాజీ ఆటగాడు రోహన్ గావస్కర్ ఆసక్తికర వ్యాఖ్యలు చేశాడు.
టి20 లో విరాట్ కోహ్లీ టీమిండియా ఓపెనర్గా పంపాలని భావిస్తున్నాను. అతను టి20 క్రికెట్ లో అద్భుతమైన ఆటగాడు. పొట్టి ఫార్మాట్ లో విరాట్ సగటు దాదాపు 57 గా ఉంది. అతని స్ట్రైక్ రేట్ దాదాపు 160 గా ఉంది అంటూ చెప్పుకొచ్చాడు. కోహ్లీ తన చివరి ఇన్నింగ్స్ లో ఓపెనర్ గా వచ్చి వేగంగా సెంచరీ సాధించాడు. బహుశా కోహ్లీ ఓపెనర్గా ఆడాలని అనుకుంటున్నాడేమో.. అయితే కోహ్లీ ఓపెనర్గా వస్తే కె.ఎల్.రాహుల్ స్థానం త్యాగం చేయాల్సి వస్తుంది. మూడవ స్థానంలో సూర్యకుమార్ యాదవ్ ను పంపాలి. అందుకే కె.ఎల్.రాహుల్ నాలుగో స్థానంలో బ్యాటింగ్కు వస్తే బాగుంటుంది అంటూ రోహన్ గావస్కర్ చెప్పుకొచ్చాడు.
