ఇకపోతే ఈ రోజు మ్యాచ్ గురించి చెప్పుకోవాలంటే సిడ్నీలో మధ్యాహ్నం 1 .30 గంటలకు స్టార్ట్ కానుంది. రెండు రోజుల ముందు ఇదే గ్రౌండ్ లో మ్యాచ్ జరిగింది. ఈ పిచ్ పై మొదట టాస్ గెలిచిన జట్టు బ్యాటింగ్ ఎంచుకునే అవకాశం ఎక్కువగా ఉంది. కానీ ఈ మ్యాచ్ లో శ్రీలంక కన్నా కూడా ఇంగ్లాండ్ ఎక్కువ ఒత్తిడిలో ఉంటుంది. ఖచ్చితంగా గెలవాలి కాబట్టి ఆ ఒత్తిడిలో కొన్ని పొరపాట్లు చేసే ఛాన్సెస్ ఉన్నాయి. ఈ పొరపాట్లే శ్రీలంక విజయానికి మెట్లు కాగలవు. అయితే పిచ్ ఎలా ఉన్నా శ్రీలంక కనుక టాస్ గెలిస్తే ముందుగా ఫీల్డింగ్ తీసుకోవాలి. లంకకు ఉన్న స్పిన్ అస్త్రాలను బ్యాట్సమన్ కు అనుకూలంగా వాడితే ఇంగ్లాండ్ కు ఓటమి తప్పదు.
ఇంగ్లాండ్ ఆటగాళ్లు స్పీడ్ ఆడినట్లుగా స్పిన్ ఆడలేరు. ముఖ్యంగా ఈ గేమ్ లో బట్లర్, లివింగ్స్టన్, మొయిన్ అలీ, సామ్ కరన్ లను అడ్డుకుంటే శ్రీలంక గెలిచినట్లే. శ్రీలంక ప్రధాన బౌలింగ్ వనరులు అయిన హాసరంగా, తీక్షణ , కుమార మరియు రజిత లు కీలకం కానున్నారు. ఇక బ్యాటింగ్ లో ఎప్పటిలాగే మెండిస్ , నిస్సంక , రాజపక్స మరియు శనక ల మీదనే లంక అభిమానులు నమ్మకం పెట్టుకున్నారు. ఆస్ట్రేలియా అభిమానులు సైతం ఈరోజు శ్రీలంక కు చీర్స్ చేయనున్నారు. వారు గెలిస్తేనే ఆస్ట్రేలియా సెమిస్ కు వెళ్తుంది.