ఆస్ట్రేలియా వేదికగా జరిగిన వరల్డ్ కప్ లో కేఎల్ రాహుల్ రోహిత్ శర్మ జోడి చేసిన అత్యధిక భాగస్వామ్యం కేవలం 27 పరుగులు మాత్రమే కావడం గమనార్హం . అది కూడా పసికూన జింబాబ్వేతో జరిగిన మ్యాచ్లో మాత్రమే ఇది సాధ్యమైంది. ఇక జింబాబ్వేతో జరిగిన మ్యాచ్ లో కూడా పది బంతుల్లో కేఎల్ రాహుల్, రోహిత్ శర్మ కలిసి చేసింది కేవలం రెండు పరుగులు మాత్రమే. ఈ క్రమంలోనే ఈ ఇద్దరి జోడి ఒక చెత్త రికార్డును ఖాతాలో వేసుకుంది. అత్యధిక తక్కువ రన్ రేట్ నమోదు చేసిన ఓపెనింగ్ జోడిగా చెత్త రికార్డు సృష్టించింది.
2014 టి20 వరల్డ్ కప్ లో రోహిత్ శర్మ- శిఖర్ ధావన్ జోడి 5.82 రేటు తో మాత్రమే పరుగులు చేశారు. అప్పుడు కూడా కోహ్లీ జట్టును ఆదుకున్నాడు. అంతకంటే ముందు 2010లో టి20 వరల్డ్ కప్ లో గంభీర్ - మురళి విజయ్ ఓపెనింగ్ జోడి పెద్దగా ఆకట్టుకోలేకపోయింది. ఈ క్రమంలోనే 5.34 మాత్రమే రన్ రేట్ నమోదు చేశారు అని చెప్పాలి. కానీ ఇప్పుడు మాత్రం అత్యల్పంగా రోహిత్ శర్మ - కే ఎల్ రాహుల్ ఓపెనింగ్ జోడి 4.9 మాత్రమే రన్ రేట్ నమోదు చేయడం గమనార్హం. అయితే పవర్ ప్లే లో పెద్దగా ప్రభావం చూపలేకపోతున్న ఈ ఇద్దరు పై వేటు వేసి కుర్రాళ్లకు చాన్స్ ఇవ్వాలని ఎంతో మంది మాజీ ఆటకాల్లు అభిప్రాయం వ్యక్తం చేస్తున్నారు అని చెప్పాలి.
