అయితే ఇలా టీమిండియా సెమీఫైనల్ లో ఓడిపోయి ఇక భారత అభిమానులు అందరినీ కూడా నిరాశపరచడంపై ఎంతో మంది మాజీ ఆటగాళ్లు స్పందిస్తూ టీమ్ ఇండియాలో ఉన్న లోపాలను తెరమీదకి తీసుకువస్తూ ఎండగడుతున్నారు. అదే సమయంలో ఇక టీమిండియా ఆటగాళ్లను బీసీసీఐ కన్ఫ్యూజన్లో పడేస్తుంది అంటూ భారత క్రికెట్ నియంత్రణ మండలి తీరును కూడా తప్పుపడుతూ ఉండడం గమనార్హం. తరచు ఆటగాళ్ళకు విశ్రాంతి ఇవ్వడం వల్లే ఇలాంటి సమస్య వస్తుంది అంటూ మరి కొంతమంది అభిప్రాయపడుతున్నారు. వరల్డ్ కప్ లో సెమీఫైనల్ పరాజయంపై స్పందించిన టీమిండియా మాజీ ఆటగాడు కృష్ణమాచారి శ్రీకాంత్ ఆసక్తికర వ్యాఖ్యలు చేశాడు.
ఒకవేళ తాను గనుక సెలెక్టర్ల కమిటీ చైర్మన్గా ఉండి ఉంటే మాత్రం తక్షణమే 2024 టీ20 వరల్డ్ కప్ కోసం హార్దిక్ పాండ్యాను టీమిండియా కెప్టెన్ గా నియమిస్తాను అంటూ కృష్ణమాచారి శ్రీకాంత్ షాకింగ్ కామెంట్స్ చేశాడు. టీమిండియా జట్టులో ఫాస్ట్ బాల్, సెమీ ఆల్రౌండర్లు ఉండడం ఎంతో కీలకం అంటూ అభిప్రాయం వ్యక్తం చేశాడు. 1983 వరల్డ్ కప్, 2011 వన్డే వరల్డ్ కప్, 2007 టి20 వరల్డ్ కప్ లలో విజేతగా టీమిండియా నిలిచింది అంటే దానికి జట్టులో ఎక్కువమంది ఆల్రౌండర్లు ఉండడమే కారణం అంటూ కృష్ణమాచారి శ్రీకాంత్ అభిప్రాయం వ్యక్తం చేశాడు. ఇటీవల ఒక స్పోర్ట్స్ ఛానల్ తో మాట్లాడిన కృష్ణమాచారి శ్రీకాంత్ ఈ వ్యాఖ్యలు చేయడం గమనార్హం.
