తన కెప్టెన్సీ ప్రభావం ఏ మాత్రం మ్యాచ్ లలో చూపించలేకపోయాడు. ఇదంతా ఒక ఎత్తు అయితే, ఇటీవల ముగిసిన టీ 20 వరల్డ్ కప్ లో అస్సలు ఊహించని రీతిలో సూపర్ 12 కు కూడా చేరకుండానే వెస్ట్ ఇండీస్ టోర్నీ నుండి నిష్క్రమించింది. అయితే ఈ టోర్నీని రెండు సార్లు గెలుచుకున్న టీం గా చరిత్ర సృష్టించిన వెస్ట్ ఇండీస్ కు ఊహించని షాక్ తగిలింది. చిన్న జట్లతో కూడా పోటా పోటీగా ఆడడం మరియు స్కాట్లాండ్ చేతిలో ఓటమి చెందడం లాంటి విషయాలు ఆ జట్టు విశ్వాసాన్ని దెబ్బతీశాయి. టీ 20 వరల్డ్ కప్ లో జట్టును నడిపించడంలో కెప్టెన్ గా మరియు ప్లేయర్ గా నికోలస్ పూరన్ దారుణంగా ఫెయిల్ అయ్యాడు.
ఈ ఫలితానికి ఇప్పుడు నికోలస్ పూరన్ వైట్ బాల్ కెప్టెన్ గా తప్పుకుంటూ నిర్ణయం తీసుకున్నాడు. ప్రస్తుతం టీ 20 లలో వైస్ కెప్టెన్ గా రావుమన్ పావెల్ ఉన్నాడు. వెస్ట్ ఇండీస్ క్రికెట్ బోర్డు పావెల్ ను కెప్టెన్ గా ఎంచుకునే అవకాశాలు మెండుగా ఉన్నాయి. మరి పావెల్ ఏ మేరకు ఆకట్టుకుంటాడు అన్నది తెలియాలంటే కొన్ని మ్యాచ్ లు అయినా చూడాల్సిందే.
