జ్యోతిష్యశాస్త్రం ప్రకారం మీ జాతకంలో గ్రహాలు బలహీనంగా ఉన్నప్పుడు లేదా గ్రహాలు బాధపడుతున్నప్పుడు మీరు జీవితంలో వివిధ సమస్యలను ఎదుర్కొంటారు. అయితే సమస్యలు ఎదురయ్యాయని మీరు ఆందోళన చెందితే ఎలాంటి ప్రయోజనం ఉండదు. ఎందుకంటే ప్రతి ఒక్క సమస్యకు పరిష్కారం అనేది ఎక్కడో ఒక చోట ఉండే ఉంటుంది. అలాగే జ్యోతిష్యశాస్త్రం ప్రకారం కొన్ని నివారణలు పాటిస్తే మీ సమస్యల నుండి మీరు ఉపశమనం పొందొచ్చు. మీరు మీ జీవితంలో హాయిగా ఉండొచ్చు. ఇంతకీ మీకు ఎదురయ్యే సమస్యలకు ఎలాంటి పరిహారాలు పాటించాలి.

మీరు జీవితంలో విజయం సాధించడానికి ఏమి చేయాలి.. ఎలా చేయాలనే విషయాలన్నింటినీ జ్యోతిష్యశాస్త్ర నిపుణులు వివరించారు. ఆ వివరాలేంటో ఇప్పుడు తెలుసుకుందాం...మీరు మీ లైఫ్ లో ఏ విషయంలో అయినా కష్టపడి పని చేసినప్పటికీ, పురోగతి లేకుంటే మీరు ఆందోళన చెందాల్సిన అవసరం లేదు. ఇలాంటి సమయంలో మీరు బుధవారం రోజున పేదలకు బియ్యం దానం చేస్తే మంచి ఫలితాలు వస్తాయి. దీని వల్ల మీరు పూర్తి చేయాలని పనులన్నీ పూర్తవుతాయి. మీ ప్రయత్నాలన్నింటిలో విజయం లభిస్తుంది. మీ కెరీర్లో ఏదైనా అస్థిరత ఎదురైతే, ఐదు రాగి పాత్రలను మిఠాయిలు(స్వీట్స్)తో నింపి, ఆదివారం నాడు పేదలకు దానం చేయండి. 11 ఆదివారాలు ఇలా చేయడం వల్ల మీ అడ్డంకులన్నీ తొలగిపోతాయి.

ఆర్థిక ఇబ్బందులు మీరు ఇంటా, బయట నిత్యం ఆర్థిక సమస్యలను ఎదుర్కొంటున్నారా? అయితే ఈ పరిహారాలు పాటిస్తే అద్భుతమైన ఫలితాలు ఉంటాయి. మీరు కొన్ని ఎర్ర గంధపు చెక్క, కొన్ని గులాబీ రేకులు, ఎరుపు తీగలను తీసుకుని ఎర్రని వస్త్రంపై ఉంచండి. వాటిని ఎర్రటి వస్త్రంలో చుట్టి మీ లాకర్ లో ఉంచండి. ఇలా చేయడం వల్ల మీ ఆర్థిక ఇబ్బందులన్నీ తొలగిపోతాయి. మీరు మీ వ్యాపారంలో విజయం సాధించాలనుకుంటే, మీ షాపులో లేదా కార్యాలయంలో ఐదు నిమ్మకాయలతో కొన్ని ఆవాలు మరియు మిరియాలు ఉంచండి. మరుసటి రోజు ఉదయం, మీరు వీటిని ఒక గుడ్డలో చుట్టి, వాటిని నిర్జన ప్రదేశంలో వదిలివేయాలి. ఇది పూర్తయిన తర్వాత, వెనక్కి తిరిగి చూడకుండా జాగ్రత్త వహించండి. ఈ పరిహారం వల్ల మీ అన్ని వ్యాపార సమస్యలను పరిష్కరిస్తుంది.