గత కొంత కాలంగా స్వదేశం లో వరస విజయాలు సాధిస్తూ తిరుగులేని జట్టు గా దూసుకుపోతున్న టీమిండియా కు ఈరోజు నుండి అసలైన పరీక్ష ఎదురుకానుంది. మూడు మ్యాచ్ ల వన్డే సిరీస్ లో భాగంగా నేడు భారత్ , ఆస్ట్రేలియా ల మధ్య ముంబై లోని వాఖండే వేదికగా మొదటి వన్డే (డే/నైట్) మ్యాచ్ జరుగనుంది. రెండు జట్లు అటు బౌలింగ్ , బ్యాటింగ్ , ఫీల్డింగ్ లో సమఉజ్జివులు గా ఉండడం తో హోరాహోరి పోరు తప్పేలా లేదు.
ఇక టీమిండియా ముగ్గురు ఓపెన్లరు.. రోహిత్ శర్మ , శిఖర్ ధావన్ , కేఎల్ రాహుల్ లు అద్బుతమైన ఫామ్ లో ఉండడం తో ఓపెన్లర్లు గా ఎవరిని పంపాలో జట్టు యాజమాన్యానికి సమస్యగా మారింది. అయితే నిన్న మీడియా సమావేశం లో సారథి కోహ్లీ మాట్లాడుతూ ... ఆ ముగ్గురు జట్టులో ఉండేందుకు ఆస్కారం ఎక్కువగా ఉందని తెలిపాడు. దానికి తోడు నిన్న రాహుల్ గంటల సేపు ప్రాక్టీస్ చేశాడు. సో రాహుల్ తుది జట్టులో వుండే అవకాశాలు ఎక్కువగా వున్నాయన్నమాట. ఒకవేళ రాహుల్ జట్టులోకి వస్తే రోహిత్ -ధావన్ ఓపెనర్లు గా బరిలోకి దిగనుండగా రాహుల్ ను నాల్గో స్థానం లో పరీక్షించనున్నారని తెలుస్తుంది.
