అంతేకాకుండా మూడు సార్లు టైటిల్ కూడా గెలిచింది చెన్నై సూపర్ కింగ్స్ జట్టు. అలాంటిది దిగ్గజ జట్టుగా ఉన్న చెన్నై సూపర్ కింగ్స్ జట్టు ఈసారి కనీసం స్థాయికి తగ్గ ప్రదర్శన చేయకపోవడంతో ఎంతోమంది తీవ్రస్థాయిలో విమర్శలు గుప్పిస్తున్న విషయం తెలిసిందే. డాడీస్ ఆర్మీ పని అయిపోయిందని... ఇక ఐపీఎల్లో చెన్నై సూపర్ కింగ్స్ జట్టు సరిగ్గా రాణించలేదు అంటూ విమర్శలు చేస్తూనే ఉన్నారు. చెన్నై సూపర్ కింగ్స్ జట్టు పై వస్తున్న విమర్శలపై అటు కొంతమంది మాజీలు తప్పు పడుతూ ఉంటే మరికొంతమంది మాత్రం సమర్ధిస్తున్నారు.
ఐపీఎల్ చరిత్రలోనే ఎన్నడూ లేనివిధంగా పాయింట్ల పట్టికలో చివరి స్థానం లోకి చెన్నై పడిపోవడం.. స్థాయికి తగ్గ ప్రదర్శన చేయకపోవడం పై సోషల్ మీడియాలో విమర్శలు వెల్లువెత్తుతున్నాయి. అంతేకాదు చెన్నై సూపర్ కింగ్స్ జట్టుపై ఎన్నో ట్రోల్స్ కూడా ఎక్కువగానే వస్తున్నాయి. ఇక తాజాగా వీటిపై భారత మాజీ మహిళా క్రికెటర్ అంజుమ్ చోప్రా స్పందిస్తూ ఆసక్తికర వ్యాఖ్యలు చేశారు. ఏదో ఒక సీజన్లో విఫలం అయినంత మాత్రాన ధోని ప్రతిభను తప్పుపట్టడం సరైనది కాదని. మొత్తం జట్టు చేసిన పనికి ధోనీ ఒక్కడినే కారణం చూపుతూ విమర్శించడం సరైనది కాదు అంటూ ఆమె వ్యాఖ్యానించారు.