ఐపీఎల్ ప్రారంభమై రోజులు గడిచిపోతున్నాయి కానీ ధోని ఆట చూడాలి అన్న అభిమానుల కోరిక మాత్రం తీరలేదు. టైటిల్ ఫేవరెట్గా రంగంలోకి దిగిన చెన్నై సూపర్ కింగ్స్ జట్టు ఈ ఏడాది ఎంతో పేలవ ప్రదర్శన చేసి విమర్శలు ఎదుర్కొంది. ఐపీఎల్ సీజన్లో లీగ్ దశ నుంచి తప్పుకున్న మొదటి జట్టుగా చెన్నై సూపర్ కింగ్స్ మారిపోయింది. ఇక కనీసం ఇప్పుడైనా చెన్నై సూపర్ కింగ్స్ చెలరేగి ఆడుతుంది అని అందరూ అనుకున్నారు. కానీ గత రెండు మ్యాచ్ లలో ఓటమిపాలైంది. ఆ తర్వాత పుంజుకున్న చెన్నై సూపర్ కింగ్స్ జట్టు వరుసగా రెండు విజయాలు సొంతం చేసుకున్న విషయం తెలిసిందే.
అయితే చెన్నై సూపర్ కింగ్స్ జట్టు విజయం అయితే సాధించింది కానీ ధోని ఆట చూడాలి అనుకున్న అభిమానుల కోరిక మాత్రం తీరలేదు. చెన్నై సూపర్ కింగ్స్ జట్టు ఆడే ప్రతి ముందు ఎలాగైనా ధోనీ అద్భుతమైన ప్రదర్శన చూడాలని అనుకుని ప్రేక్షకులు టీవీల ముందు కూర్చుంటారు. కానీ ధోని తక్కువ పరుగులు చేసి.. అది కూడా ఎలాంటి సిక్సర్లు ఫోర్లు కొట్టకుండా చివరికి ఎంతో ఇబ్బంది పడుతూ బ్యాటింగ్ చేసి చివరికి అవుట్ అవుతూ ఉండటంతో అభిమానులకు నిరాశ తప్పలేదు. చెన్నై సూపర్ కింగ్స్ జట్టు విజయం సాధిస్తున్నపటికి ధోని ఆట చూడలేక పోతున్నాము అని అటు అభిమానులు నిరాశ లో రోజురోజుకు పెరిగి పోతూనే ఉంది.